23 May 2016
07:47 - Бугун Тошкентда ШҲТ давлатлари ташқи ишлар вазирларининг икки кунлик учрашуви бошланади

ШҲТ давлатлари ташқи ишлар вазирлари Кенгашининг навбатдаги йиғилиши 23-24 май кунлари Тошкентда ўтиши Ўзбекистон ташқи ишлар вазирлиги тарафидан 20 май куни ўтказилган брифингда билдирилди. Йиғилишда Қозоғистон, Хитой, Қирғизистон, Россия, Тожикистон ва Ўзбекистон вазирлари билан бир қаторда ШҲТ Бош котиби Рашид Алимов (Тожикистон) ва ШҲТнинг Минтақавий антитеррор тузилмаси Ижроия қўмитаси директори Евгений Сисоев (Россия) иштирок этадилар.

Ҳозир Ўзбекисон раислик қилаётган ШҲТнинг июнь ойи бошида Тошкентда ўтказиладиган саммити олдидан вазирлар Кенгашининг йиғилиши ўтказилиши табиийдир. Чунгки, айнан шу йиғилишда ШҲТ саммитининг кун тартиби ва унда қабул қилинадиган ҳужжатларнинг матни маъқулланади. У ҳужжатларнинг асосийси – ШҲТнинг 15 йиллиги Декларацияси эканлиги ҳам Ўзбекистон ташқи ишлар вазирлигининг брифингида айтилган.

Тошкентдаги саммитда бундан бошқа жиддироқ ҳужжат қабул қилинишини кутишга ҳам ҳожат йўқ. Чугки, бундай ҳужжат бўлмайди. Тўғри, ҳозир ШҲТ мамалкатларининг ҳаммасини кенгайиб бораётган ислом терроризми қаттиқ ташвишга солмоқда. Аммо, бу давлатларниннг биронтасида ислом терроризмини қандай тўхтатиш ҳақида биронта фикр йўқ. Табиий, куч ишлатиш йўлидан бошқа фикр йўқлиги ҳақида гапирмоқдамиз, дейди “Ҳаракат” мухбири.

Аслида, улар ислом терроризми билан қандай курашиш кераклигини “Бирлик” Партияси ва унинг жарчиси “Ҳаракат” Агентлигидан ўрганишлари керак. “Бирлик” Партияси Марказий Кенгашининг 21 май куни ўтказилиши керак бўлган йиғилишининг кун тартибида “Нима учун ҳозирги босқичда Ислом динидаги фундаментал ислоҳотлар муҳим” деб номланган масала ҳам бор эди. Бу ислоҳотларнинг асосий мақсади - ислом терроризмини жиловлаш ва секин-аста йўқ қилишдир. ШҲТнинг ташқи ишлар вазирлари Тошкентга 2 кун аввал келиб, “Бирлик” Партияси Марказий Кенгашининг йиғилишига рухсат олишда ва йиғилишнинг ўзида қатнашсалар эди, анча нарсани ўрганган бўлардилар.

Ўзбекистондаги мавжуд режим бу йиғилишнинг ўтказилишига йўл бермагани эса, тарихий хатодир.