20 May 2016
20:11 - Ўта қизиқ: Туркманистонга тайинлангн янги элчимизни шахсан Туркманбоши-2 кутиб олди. Сабаб нима?
Кеча Туркманистонга тайинланган янги элчимиз Акмал Қўчқоровни Туркманистон Президенти Гурбангули Бердимуҳамедов шахсан кутиб олибди ва дарҳол уни қабул қилган. У президентдан ишонч ёрлиғини қабул қилиб олгани ҳақида Туркманистон ахборот агентлиги хабар қилган.

Элчимиз Гурбангули Бердимуҳаммедов ва бутун туркман халқига Ўзбекистон Президенти Ислом Каримнинг самимий саломини етказибди. Туркманистон Президенти, ўз навбатида, элчининг янги лавозими билан муборакбод этаркан, икки томонлама ҳамкорликни янада мустаҳкамлашга қаратилган фаолиятига омад тилаган.

Агар бу ҳақдаги хабарни Туркман расмийларининг ўзлари тарқатмаганида унга ишониш мушкул эди, дейди мухиримиз. Унга кўра, дунёда ўхшаши бўлмаган бу воқеанинг орқасида биттагина сир бўлиши мумкин – янги элчининг миллати туркман.
« Олдинги хабар Хабарлар рўйхати Кейинги хабар »