02 May 2016
19:22 - Тошкентда Кремлнинг топшириғи билан “Барҳаёт полк” тадбирлари ўтказилади
Ўрисларнинг “Новости” агентлигига кўра, 9 май куни Тошкентда илк марта “Барҳаёт полк” тадбири ўтказилади. Агентлик, 1941-1945 йиллардаги Улуғ Ватан уруши йилларида ҳалок бўлганлар хотирланадиган мазкур маросимни ўтказиш учун шаҳар ҳокимияти рухсат бергани ҳақида ёзган.

Маълумки, “Барҳаёт полк” тадбири Россия ташаббуси билан бир қатор давлатларда 4 йилдан бери ўтказиб келинади. Тадбир иштирокчилари қўлларига Улуғ Ватан урушида иштирок этган қариндошларининг суратларини кўтариб, намойишдан ўтишади.

Фақат руслар эмас, фақат ўзбеклар эмас, жаҳоннинг катта қисми немис фашизмига қарши урушди. Бу инсониятнинг ғайриинсоний тузумга қарши уруши эди. Бу урушдаги ғалабани нишонлаш ва унда ҳалок бўлган ватандошларимизни хотирлашни Россиянинг ташаббусини кутмасданоқ қилиш керак эди, дейди мухбиримиз. Ўзимиз қилмадик, мана энди Кремлнинг топшириғи билан ва у айтган шаклда қиламиз.
« Олдинги хабар Хабарлар рўйхати Кейинги хабар »