Бугун Тошкентдаги “Ўзбекистон” спорт саройида XXXI ёзги Олимпиада ўйинларининг йўлланмаси учун рейтинг очколар ўйналадиган Осиё чемпионати бошланди. Уч кун давомида ўтказиладиган навбатдаги қитъа чемпионатида 31 давлатдан жами 235 нафар полвонлар ғолиблик учун гиламга чиқишади. Юртимиз шарафини эса 18 нафар спортчи (9 нафар эркак – 9 нафар аёл) ҳимоя қилади.

Терма жамоамиз таркибидан Диёрбек Ўрозбоев (-60 кг), Абдували Юсупов (-66 кг), Мирали Шарипов (-73 кг), Яҳё Имомов (-81 кг), Шаҳзодбек Собиров (-81 кг), Шерали Жўраев (-90 кг), Рамзиддин Саидов (-100 кг), Соиб Қурбонов (-100 кг), Абдулло Тангриев (+100 кг), Нодира Гулова (-48 кг), Муқаддас Кубеева (-48 кг), Диёра Келдиёрова (-52 кг), Гулнор Сулаймонова (-52 кг), Амангул Алланазарова (-57 кг), Муҳайё Ибрагимова (-63 кг), Гулноза Матниёзова (-70 кг), Нодира Юлдашева (-78 кг) ўрин эгаллашган.

Маълумот учун: Осиё чемпионатида олтин медаль соҳиби 400, кумуш медаль совриндори 240, учинчи ўринни эгаллаган спортчилар эса 160 рейтинг очкога эга бўладилар.