07 April 2016
02:17 - НАТО Бош Котиби Столтенберг Вашингтондаги бир мажлисда терроризм хавфи узоқ давом этишини айтибди, Абдураҳим ПЎлат ўша мажлисда бўлса эди, ҳамма нарса бошқача бўларди
Ўрисларнинг “Новости” Агентлигининг хабарига кўра, НАТО Бош Котиби Йенс Столтенберг (расмда) кеча Вашингтондаги Атлантик Кенгаш номли ташкилот ўтказган қандайдир йиғилишда нутқ сўзлаб, жумладан, шундай дебди: “ИШИД ва у каби бошқа террористик ташкилотларнинг хавфи биз билан узоқ замон яшайди... НАТОга Яқин Шарқ ва шимолий Африкадан келаётган хавфларга қарши жавобларни кучайтиришимиз лозим.” Бундан ташқари, у Ироқ ҳарбий кучларига ИШИДга қарши урушда ёрдам бериш кераклигини ҳам гапирибди.

Бундай йиғилиш бўлишини билсам эди, алабатта у ерга борган бўлардим, дейди “Бирлик” лидери Абдураҳим Пўлат. Мен бундай ташкилот борлигини 15 йилча аввал ўзим танимайдиган бир кишининг менга қилган телефон қўнғироғидан билганман, Бу воқеа “Ҳаракат” сайти ва журналида эълон қилинган хотираларимда ёзилган, аммо уларни қидириб, аниқ кунларни ва ўша воқеа билан боғлиқ бўлган икки одамнинг исмини топишга эриндим.

Ўшанда менга телефон қилган одам ўта машҳур Атлантик Кенгаш ташкилотида бир мажлис бўлишини, у ерда Ўзбекистоннинг элчиси ва АҚШлик машҳур бир олим доклад қилишини, менинг у ерга боришим муҳимлигини гапирди. “Нимага менинг у ерга боришим муҳим?” деб сўрасам, у киши, тахмин қиламанки, Ўзбекистоннинг АҚШдаги элчихонаси ходими, аслида, бизнинг тарафдор бўлган одам, шундай деди: “Сизни яхши биламан, у ерга борсангиз, нима қилиш кераклигини ўзингиз биласиз”. Айтиш керакки, Ислом Каримнинг ҳар бир тешигини ялаб юрадиган ўша америкалик олимни ҳам шахсан танирдим.

Хуллас, ўша йиғилишга бордим. Ўзбекистоннинг элчиси Ислом Каримнинг улуғ ишларини олқишлаш билан шуғулланди. Мени жуда яхши биладиган америкалик олим эса, мени кўргандан кейин, нутқ сўзлашдан қандайдир баҳона билан воз кечди, чунки, уни шармандасини чиқаришимни жуда яхши тушунарди.

Ўшанда мен бир неча савол билан (айнан, бир нечта савол билан) Ўзбекистон элчисининг шундай шармандасини чиқардимки, одамлар элчи устидан кулишга бошлашди. Бир оздан кейин, аминманки, ўша шармандагарчилик туфайли, Ислом Карим у элчини чақириб олди.

Минг афсуски, кеча Атлантик Кенгашда НАТО Бош Котиби Йенс Столтенберг чиқиш қилишини менга ҳеч ким хабар қилмабди. Билсам эди, алатта у ерга борган бўлардим ва бир нечта савол билан НАТО Бош Котибига исломий терроризмнинг илдизлари Ислом динининг ўзида эканлигини, Исломда фундаментал ислоҳотлар ўтказилмагунча ислом терроризми хавфидан ҳеч ким қутулолмаслигини, бу хавфни фақат куч билан йўқ қилиб бўлмаслигини тушунтириб қўярдим. Бундан ҳам муҳими, мусулмонларнинг ўзи ислоҳотларга тайёр бўлмагани сабабли, уларга ёрдам бериш кераклигини ҳам ҳаммага билдирардим.

Нима ҳам қилардик, жаноб Йенс Столтенбергга ислом терроризмининг моҳиятини ва уни йўқ қилиш йўлларини тушунтириш ниятида АҚШ Президенти Барак Обама номига ёзилган хатларимнинг нусхаларини юбораман.
« Олдинги хабар Хабарлар рўйхати Кейинги хабар »