30 March 2016
20:52 - Нурсултон Назарбой Брюсселда Европа Иттифоқининг раҳбарлари билан учрашди

Кечадан бери Брюсселда бўлган Қозоғистон Президенти бугун Европа Иттифоқининг энг юксак даражали раҳбарлари тарафидан қабул қилинди. Нурсултон Назарбой аввал ЕИнинг олий сиёсий органи – ЕИга кирувчи давлатлар раҳбарларидан иборат бўлган Европа Кегашнинг раиси Дональд Туск билан, кейин ЕИнинг феълан ҳукумати деса бўладиган Еврокомиссия раҳбари Жан-Клод Юнкер билан учрашган. Қозоқларнинг хабарларидан тушуниш мумкинки, Нурсултон Назарбой бу учрашувларда Россияга қарши киритилган санкияларни имкони борича тезроқ бекор қилиш масаласига урғу берган.

Нурсултон Назарбойни тушуниш мумкин, чунки, Россияга қарши киритилган санкциялар унинг энг яқин иқтисодий ҳамкорларини, жумладан Қозоғистонни ҳам урмоқда. Натижада Қозоғистоннинг Ялпи Ички Маҳсулоти ўтган йили бироз тушди ҳам, қозоқ тенгесининг қиймати эса, бир неча баравар тушиб кетди.

Тахмин қилиш мумкинки, Нурсултон Назарбой Брюсселдан Вашингтонга кетади ва эртага бошланадиган Ядровий хавфсизлик саммитида қатнашади, у ердаги учрашувларида ҳам Россияга қарши киритилган санкцияларни юмшатиш ва йўқ қилиш масаласини муҳокама қилади.

Ўзбекистон Президенти - яккамохов Ислом Карим Брюсселга бориб, бу даражада учрашувлар ўтказишини ҳаёл ҳам қилиб бўлмайди.