24 March 2016
21:33 - АҚШ Давлат Котиби Жон Керри Москвада АҚШнинг обрўсини туширмоқдами?
Кеча кечқурунга яқин Москвага келган Жон Керри расмий учрашувларнини бугун ўтказмоқда. У аввал АҚШ ва Россиялик икки космонавт билан қайсидир меҳмонхонанинг томида учрашди. Кейин 4 соат россиялик ҳамкасби Сергей Лавров билан музокаралар олиб борди. Ўз-ўзидан маълумки, улар асосан Сурия ва Украинадаги аҳволни гаплашдилар. Шу дақиқаларда эса, унинг Россия Президенти Владимир Путин билан учрашуви бошланди.

Россия ва АҚШ СССР парчалангандан бери мисли кўрилмаган совуқ уруш ичида эканликларинини ҳозир ҳамма билади. Шу сабабли, Жон Керрининг Москвага келиши муҳим сиёсий воқеа. Аммо, унинг бу ерда ўзини тутиши катта сиёсатчига ярашмайдиган шаклда бўлаётганга ўхшайди. У Лавров билан учрашув давомида ўзини Лавровнинг ва Россиянинг энг яқин дўстидек тутиши, Лавровнинг 21 мартдаги 66 йиллиги билан ташқи кўринишидан ўта самимий табриклаши ва ўта дўстона ҳазилларини ҳеч ким жиддий қабул қилолмаслиги ҳам ўз-ўзидан маълум.

Аммо Жон Керрининг Сергей Лвров билан 4 соатлик учрашувига оид ҳеч қандай тафсилотлар билдирмаётгани каби, Владимир Путин билан учрашувлари ҳақида ҳам ҳеч қандай тафсилотлар билдирилмаса керак. Америкалик дипломатнинг ўзини дўстона тутишини кўрсатувчи мисоллардан ташқари, албатта.

Шуни ҳам унутмаслик керакки, Жон Керри бу лавозимида шу йил 8 ноябрда сайланадиган янги АҚШ президенти янаги йилнинг бошида иш бошлагунча қолади. Сайловларда АҚШнинг дунёдаги лидерлик ролини тиклайман деб очиқча гапираётган Доналд Трамп ғалаба қозонишининг эҳтимоллиги жуда катта. Шундай экан, Сергей Лавров ҳам, Владимир Путин ҳам, Жон Керри билан учрашув ва унинг натижаларини америкалик дипломатнинг ўзини дўстона тутиши эмас, яқинда АҚШнинг ташқи сиёсатида катта ўзгаришлар бўлиши нуқтаи назаридан баҳолайдилар.

Дарвоқе, Хитойнинг расмий давлат ахборот агентлиги Синхуа Жон Керрининг Москвага ташрифини қуйидагича баҳолади: “Керрининг Москвага келиши – Россиянинг Суриядаги ютуқларини рамзидир. Вашингтон Сурия атрофидаги масалаларнинг кўпчлиги бўйича Москванинг позициясини қабул қилиши кутилмоқда.”