13 March 2016
22:37 - Яна даҳшат: Анқарада теракт, 27 киши ҳалок бўлди, ярадорлар кўп
Туркия пойтахтининг Гувенпарк номли жойида бир оз аввал катта портлаш бўлгани ҳақида хабар тарқатаётган маҳаллий ахборот воситалари бу воқеага доир етарлича маълумотлар ҳали йўқлигини айтиб, ҳеч нарсани тушуниб бўлмаслигини гапиришдан бошладилар..

Воқеанинг гувоҳларига кўра, автобусларнинг тўхташ жойи ёнига бир автомобиль келиб тўхтаган ва шаҳар автобусларидан бири тўхташ жойига келганда портлаган. Бир оздан кейин, шаҳар ҳокимлигининг рассмийларига асосланиб маълумотлар тарқатилди - 27 киши ҳалок бўлган, 70 дан кўп одам яраланган.

АҚШ элчихонаси ўз ватандошларини Анқарада, айниқса, Болчилиэвлар атрофида эҳтиёт бўлишга чақиргани ҳам хабарларда айтилмоқда.

Аввалги хабарларимизда, дейди мухбиримиз, “Бирлик” лидери Абдураҳим Пўлат АҚШ Президентига йўллаган хатида ислом терроризмининг маркази яқинда Туркия ва Марказий Осиё бўлишини ёзганини айтгандик. У ҳозир шундай демоқда: “Бу теракт ҳам курдларнинг иши бўлса керак. Уларнинг террори узоқ йиллардан бери давом этиб келмоқда. Мен исломий террориризмни назарда тутган эдим. Бундай террор фатхулла-гуленчилар жамоаси ёки уларга яқин бўлган гуруҳлар тарафидан аввал иттифлқчилари бўлган, ҳозир душманларига айланган Туркия Президенти Ражаб Эрдўғон ҳукуматига қарши бўлади. Фатхулла-гуленчилар Эрдўғон Туркияни жуда секин исломлаштираётгандан норозилар.”