01 March 2016
02:14 - Ёш боланинг калласини кесган аёлимизнинг сўнги расмлари эълон қилинди, бу воқеа ҳам ислом фанатизмининг маҳсулими?
Ҳозир 4 ёшда бўлган касал қизга сал кам икки йил боқимчилик қилган самарқандлик аёл ўша қизнинг калласини кесиб олиб, Москвадаги мето станцияларидан бирининг одида каллани ҳаммага кўрсатгани ва “Оллохи акбар” деб бақиргани ўрисларнинг ҳамма ахборот воситаларида хабар бўлди. Ҳозирча кўпчилик бу аёл руҳий касалликка учрагани, оддийроқ қилиб айтисак, ақлдан озганини гапирмоқда.

Ҳар ҳолда шундай бўлган бўлса керак, аммо ақлдан озиш ҳам бирданига бўлиб қоладиган нарса эмас. Фикримизча, Гулчеҳра Бобоқулова исмли бу аёл ислом динимизнинг фанатиги бўлган. Оддий диндор билан фанатикнинг фарқига бориш керак. Ҳатто энциклопедияларда ҳам "фанатизм" сўзи қуйидагича таърифланади: “Айниқса диний-фалсафий, миллий ёки сиёсий соҳанинг ишончларига кўр-кўрона, сўзсиз риоя қилиш, ва ҳатто, бошқача қарашлиларга муросасизлик кайфиятида бўлиш.”

Бир қарашда, ҳар бир диндор фанатик бўлиши, яъни ўз динининг ишончларига кўр-кўрона ва сўзсиз риоя қилиши кераклиги тўғридек кўринади. Аслида, ундай эмас. Ҳамма нарсанинг ўз жойи бор, ҳар бир конкрет масалада ўз ишончларига ақл ишлатиб риоя қилиш керак. Агар бундай бўлмаса эди, Оллоҳ одамларга ақл бериб ўтирмасдан, уларни робот қилиб яратган бўларди-ку!!

Фанатизмнинг эса, ёмон тарафлари ҳам бор. “Бирлик” Партиясининг лидери Абдураҳим Пўлат АҚШ Президенти Барак Обамага ёзган хатида ислом фанатикларидан эҳтиёт бўлиш кераклигини, чунки, фанатизм билан экстремизм ва терроризмнинг ораси бир эмас, бор-йўғи ярим қарич эканлигини урғулар экан, ўзбеклар дин масласида фанатиклик қилиш бўйича биринчилар қаторида туришини урғулаган ва айнан шу сабабдан ислом экстремизмининг янги маркази Марказий Осиё бўлишини урғулаганди. Табиий, Марказий Осиёда ислом терроризмининг маркази бўлоладиган иккитагина давлат бор – Ўзбекистон ва Тожикистон.

Афтидан, Гулчеҳра Бобоқулова ислом фанатикларидан бўлган, қашшоқ Ўзбекистондан қочиб, мусулмонларга кўра "кофир" ҳисбланадиган болани боқишга мажбур қолган. Айнан шу нарсалар ва фанатизм руҳи уни руҳий касаликка олиб келган, касаллик эса, аёлни вахшийликка чорлаган. Нима бўлганда ҳам, дунёдаги мавжуд кайфиятдан келиб чиқилса, бу воқеа Ислом динининг обрўсига яна бир зарба бўлиши муқаррар.

Расмда – Қоп-қора чодирга ўралиб олган Гулчеҳра Бобоқулова қўлида полиэтилен халтада 4 ёшли ўрис қизининг калласини кўтариб юрибди. Аёл у бечора қизалоқнинг калласини халтадан чиқариб, уни ҳаммага кўрсатаётган ва "Оллоҳи Акбар" деб бақираётган пайтида ҳам олинган расмлар бўлса керак. Аммо, бундай расмларни одатда замонавий ахборот воситалари ўз саҳифаларида эълон қилмайдилар.
« Олдинги хабар Хабарлар рўйхати Кейинги хабар »