23 February 2016
21:13 - “Қора бозор”да АҚШ долларининг курси ошди

Ўзбекистон Марказий банки хорижий валюталарнинг сўмга нисбатан янги қийматларини эълон қилди. Унга кўра, бир АҚШ долларининг қиймати 2851 сўм 65 тийин этиб белгиланди. Бу эса ўтган ҳафтадагига қараганда 5 сўмга кўп демакдир. қора бозорда ҳам АҚШ доллари яна рекорд даражада қимматлаб, 6400 сўмга чиқди.

Ўтган йил октябрда 6000 сўмлик чўққини забт этган доллар бир ҳафтадан сўнг яна пастлаган ва икки ой давомида 5200-5800 сўмлик меъёрни ушлаб турган эди. Бугун Тошкентнинг Қўйлиқ бозоридаги саррофлар АҚШ долларини 6300 сўмдан сотиб олиб, 6400 сўмдан сотишди.