Reuters агентлиги исми айтилмаган Ғарб дипломатларига асосланиб билдиришича, АҚШ ва Россия Сурияда ўқ отишни тўхтатиш ҳақидаги келишув 27 февралда кучга кириш ҳақида келишишибди. Сурияда ҳукумат қўшинлари билан бир қатор мухолифат ташкилотларининг қуролли кучлари тўғридан-тўғри жанглар олиб бормоқдалар, Россия ва АҚШ раҳбарлигидаги коалиция эса фақат ҳаво ҳужумларида иштирок этмоқда. Россия ҳамма мухолифатчиларни бомбардимон қилмоқда, АҚШ раҳбарлигидаги коалиция фақат ИШИДнинг кучларини бомбардимон қилмоқда.

Ўқ отишни тўхтатиш келишувига ИШИД ва Ал-Қоиданинг Суриядаги қаноти Жабҳат-ан-Нусранинг ҳеч қандай алоқаси йўқ, бошқа гуруҳлар эса бу келишувга қўшилишган. Шундай экан, ИШИД ва Жабҳат-ан-Нусрага қарши уруш 27 февралдан кейин ҳам давом этаверадими, деган савол Reuters агентлигининг ўта қисқа хабарида қўйилмаган, демак, унинг жавоби ҳам йўқ?

Хуллас, 27 февралда кучга кирадиган келишув Суриядаги кризисдан чиқишга хизмат қилишига ишониш қийин. Бунинг устига, бу келишув вақтинча эканлиги ҳам айтилмоқда.