7 февралда Россия Федерал Хавфсизлик Хизматига асосланиб тарқатилган хабарларда ўша куни Екатеринбургда ИШИДга аъзолиги айтилаётган 7 террорист қўлга олингани билдирилган эди. Улар Москва, Санкт-Петербург ва Свердловск вилоятларида терактлар ўтказиш учун тайёрланишаётган экан. Бугун улар Москвага олиб келингани хабар қилинди.

ИШИД ҳозир дунёнинг ҳамма ерида бор экан, бу хабарнинг ҳайрон бўладиган жойи йўқ. Ўзбеклар учун эса, бу хабарларга илова қилинган ўша 7 террористдан 3 тасининг расми қизиқ бўлиши муқаррар.

Расмдагиларга қаранг, кўринишидан улар ўзбеклар. Бунинг ҳам ҳайрон қолдирадиган жойи йўқ. Чунки, ўзбеклар жаҳонда ислом фанатизмига энг мойил бўлган халқлардан биридир. Фанатизмдан экстремизм ва терроризмга тойишдек осон нарса йўқлигини ҳамма тушунса керак.

Шубҳа йўқки, ФХХ тарафидан қўлга олинган ўзбеклар Россияда тажриба орттириш учун нималардир қилишмоқчи бўлган. Уларнинг асл нишони Ўзбекистон эканлиги шубҳасиздир.

Ҳозир Ўзбекистонда аҳолини ёппасига қамоқхонада каби назорат остига олиш кучаётганининг сабаби – ўша экстремист ва потенциал террористларнинг Ўзбекистонга тойишига йўл бермаслик эканлиги ҳам шубҳасиздир. Аммо, Ислом Карим режимининг бунга кучи етмайди. Иқтисодга кучи етмаётган бу режимнинг кучи фанатизм ва унинг натижаси бўлган экстремизм ва терроризмга етишига аҳмоқ ҳам ишонмайди. Бу ерда ақл ишлатиш керак. Ислом Карим ва унинг командасида ақл бўлса, Ал-Хоразмий, Ал-Беруний в Мирзо Улуғбек авлодлари бўлган ўзбекнинг профессорлари кечагина отдан тушган қозоқнинг дворникларидан кам маош оладиган ҳолга тушармидилар.