17 февралда Анқаранинг марказида ҳарбийлар тўла автобусларни портлатиб, 28 кишининг ўлимига сабабчи бўлган терактлар учун жавобгарликни курдларнинг Ғарб тарафидан ҳам террористик деб баҳоланган ПККнинг қанотларидан бири бўлмиш Курдистон Озодлик Лочинлари (Kürdistan Özgürlük Şahinleri) номли ташкилот ўз бўйнига олди, деб хабар беради “Миллиёт” газетаси.

Бу ташкилот авваллари ҳам бир қатор террор актлари уюштирган ва шу сабабдан Туркияда кўпчиликка таниш экан. Бу ташкилот тарқатган баёнотда айтилишича, 17 февралдаги терактни Абубакир Сўнмас исмли одам амалга оширган. Аммо, баёнотда айтилмаса ҳам, тушуниш мумкинки, турк аскарлари тўла бўлган автобус олдида бомбалар билан тўлатилган Jeep Cherokee автомобили ичида фақат Абубакир Сўнмас бўлган бўлса ҳам, уни тайёрлашда бошқа курдларнинг иштироки бўлганганлиги шубҳасиз.

Шундай экан, Туркия Президенти Ражаб Эдўғоннинг бу терактга мисиллама, яъни, унга яраша ёки мос равишда қасд олиш билан жавоб берамиз сўзлари амалга оширилишга бошланса, 1915 йилда Туркия давлатига сотқинлик қилган арманилар қирғин қилинганидек, 2016 йилда курдлар қирғин қилиниши мумкин.