19 February 2016
23:08 - ИШИДга қарши уруш Ливияга етиб келди
Муаммар Каддафийдан қутилгандан бери ички урушлар ичида қолган Ливияда ИШИДга боғлиқ қуролли кучлар анчадан бери бор эди. Кечагина АҚШ ахборот воситалари Президент Обаманинг Ливиядаги ИШИД позицияларига ҳужум қилиш ниятлари йўқлиги ҳақидаги сўзларини келтирган эдилар. Ҳозир маълум бўлишича, кечанинг ўзиёқ АҚШ ҳарбий учоқлари Ливидаги ИШИД позицияларни бомбардимон қилибдилар.

Бугун Reuters агентлиги Пентаган вакили Питер Кукнинг қуйидаги сўзларини келтирди: “Биз ИШИДга сигнал бердик, бу ташкилот қаерда бош кўтарса, унга жавоб берамиз. Чунки, ИШИД АҚШ учун хавфдир.”

Reuters агентлигининг хабарида айтилишича, ҳужум натижасида ИШИДнинг 40 жангариси ўлдирилган. Хуллас, ИШИДга қарши уруш майдони кенгаймоқда. Бу майдоннинг чегараси борми? Кўринишидан, ҳозирча йўқ.
« Олдинги хабар Хабарлар рўйхати Кейинги хабар »