19 February 2016
00:36 - Рим Папаси америкалик катoликларни феълан Доналд Трампга овоз бермасликка чақирди
Reuters агентлигининг хабарига кўра, насронийларнинг католиклар оқими раҳбари Рим Папаси Франциск Мексикага қилган сафаридан қайтар экан, ҳозир Республикачилар Партиясининг АҚШ президентилигига номзоди бўлиш учун курашаётган ва АҚШга келаётган муҳожирлар оқими йўлида тўсиқлар қўйишга чақираётган Доналд Трамп ҳақида шундай дебди: “Кўприклар қуриш эмас, имкони бор жойда деворлар қуриш ҳақида гапираётган одамни насроний ҳам деб бўлмайди”.

Тўғри, Франциск “мен америкалик католикларга Трампга овоз бериш ёки бермаслик ҳақида маслаҳат бераётганим йўқ” деб қўшимча қилган бўлса ҳам, аслида у феълан католикларни Трампга овоз бермасликка чақирган.

Доналд Трапм дарҳол жавоб ҳам берди: “ИШИД ўзининг асосий нишонларидан бири бўлган Ватиканга (Рим Папасининг қароргоҳи жойлашган ер – “Ҳаракат”) ҳужум қилса, ана ўшанда Папа Доналд Трамп президент бўлсин деб ибодат қилишга мажбур бўлади”. У Папанинг сўзларини “уятсизлик” деб баҳолади ҳам.

Аслида, дейди мухбиримиз, америкаликлар ичида мусулмонларга қарши кайфият очиқча ортиб бораётган пайтда, Папанинг сўзлари Донал Трампнинг фойдасига ишлаши мумкин. Қолаверса, Рим Папаси ҳам оддий бир инсон сифатида “Нимага миллионлаб одамлар ривожланган Ғарб давлаларига қочиш ҳаракатидалар?” деган савол устида ўйлаши, бу саволга жавоб қидириши керак. Шундагина у қашшоқ мамлакатларни қашшоқликдан чиқариш устида ўйлашни, Тангридан шуни сўраб ибодат қилишни, қолаверса, сиёсатчиларни бу йўналишда амалий ишлар қилишга чақиришни бошлайди.
« Олдинги хабар Хабарлар рўйхати Кейинги хабар »