18 February 2016
17:28 - “Ҳаракат” яна ҳақ чиқди: Туркия Бош вазири Анқарадаги терактни курдлар уюштирганини билдирди

Аввалги хабаримизда Анқарада 28 кишини ўлими билан тугалланган терактни кимлар қилгани ҳақида Туркия раҳбарлари тахминлар ҳам қилмаётганларини ҳайрон бўлиб айтгандик. Аммо, эслатиш керакки, “Ҳаракат” агентлиги бу терактни курдлар қилгани ва келажакда курдларни 1915 йили қирғин қилинган арманиларнинг куни кутиши мумкинлигини урғулаган эди. Сўнги маълумотлар “Ҳаракат”нинг ҳақлигини кўрсатмоқда.

Туркия Бош вазири Аҳмад Довудўғли Анқарадаги теракт Сурия курдлари тарафидан қурилган Демократик Бирлик Партиясининг ҳарбий қаноти Халқ Муҳофаза Кучлари ва Туркиядаги курдларнинг НАТО тарафидан ҳам террористик деб баҳоланган Курдистон Ишчи Партияси (курдча номининг қисқалтмаси ПКК) тарафидан уюштрилгани ва бу иш бўйича 9 киши ушланганини билдирди. Кейин Президент Ражаб Эрдўғон қўлга олинглар сони 14 га чиққанини айтди.

Ўлимчи-террористлардан бири 23 ёшли сурияли курд Солих Нежарнинг расми ҳам эълон қилинди. Расмга қараганда, Солих Нежар бу терактдан аввал ҳам қаердадир қўлга тушган ва ўшанда расми олинган. Демократик Бирлик Партиясининг расмийлари Анқарадаги терактга алоқалари йўўқлигини, ҳеч қанақа Солих Нежарни танимасликларини билдирдилар.

Туркия ҳарбий ҳаво кучлари ПККнинг Ироқдаги базаларига авваллари ҳам ҳужумлар уюштириб туришарди, Анқарадаги терактдан кейин навбатдаги ҳужум уюштирилди. Суриядаги курдларнинг ҳарбий кучларига ҳужумлар кўпайтирилиши ҳам шубҳасиз.

Аҳмад Довудўғли бераётган баёнотлар ичида қуйидаги сўзлар алоҳида диққата сазовор: “Биз америкаликлар ва бошқа НАТО кучлари билан Афғонистонда террористларга қарши елкама-елка турганмиз. Бу кучлар Туркиянинг юрагига урган террористик ташкилотлар билан алоқада бўлишларини кечирмаймиз ва бу фикримизни энг кучли ва энг очиқ шаклда билдирмоқдамиз.”

Маълумки, АҚШ ва НАТО кучлари ИШИДга қарши урушда айнан курдларга оид Халқ Муҳофаза Кучларининг пиёда қўшинларига орқа қилмоқда эдилар.

Энди кутиш керакки, Туркия Саудия билан ўз қўшинлари Сурияга олиб киради ва у ерда ташаббусни ўз қўлига олишга бошлайди. Хўш, Ғарб нима қилади? Ғарб бу масалада Туркия билан очиқча конфронтация қилишига ишониш қийин.