ЕИнинг Ўзбекистондаги ваколатхонаси раҳбари Юрий Штерк Иттифоқ ва Ўзбекистон ўртасида шу йилнинг биринчи ярмида Инвестиция ва савдо масалалари бўйича кенгашни ташкил қилиниши ҳақида хабар қилди. Дипломатнинг иддаосича, кенгашнинг ташкил этилиши ЕИ ва Ўзбекистон ўртасидаги савдо-иқтисодий, инвестициявий ва молиявий-техник ҳамкорликнинг кенгайишига сабаб бўлади.

Расмий маълумотларга қараганда, Европа Иттифоқи Ўзбекистоннинг Россия ва Хитойдан кейин учинчи ўринда турадиган муҳим савдо ҳамкоридир. ЕИ ва Ўзбекистон ўртасидаги савдо айланмаси 1 миллиард 800 миллион еврони ташкил қилади.

Маълумки, “Бирлик” Партияси 2006 йил 12 май куни эълон қилинган баёнотида Ўзбекистонга қарши санкцилар киритиш ва уни дунёдан изоляция қилиш ўрнига айнан уни Ғарбга интеграция қилиш лозимлигини урғулаган эди. Ўша пайтда ЕИнинг хавфсизлик ва ташқи алоқалар бўйича Бош комиссари Хаьер Солананинг маслаҳатчиси Еарик Мора бу таклиф Солана тарафидан мамнуният билан қабул қилганини урғулаб, “Бирлик” лидери Абдураҳим Пўлатга мактуб йўллаган эди. “Бирлик”нинг баёнота ва ЕИ расмийсининг жавоби “Ҳаракат” сайтида ва “Ҳаракат” журналида ўша пайтдаёқ эълон қилинган. “Бирлик” ҳали ҳам ўша баёнотига содиқдир.