16 February 2016
23:34 - Украинада сиёсий кризис бошланаётганга ўхшайди, бу яхшиликка эмас
Украина Бош вазирига ишончсизлик билдириб намойишлар ўтказиш аввалдан бор эди. Кеча ва бугун эрталаб ҳам Олий Рада олдида бир неча юз кишилик митинглар бўлди. Балки, уларнинг таъсири остидадир, бугун Украина Президенти Петр Порошенко Бош вазир Арсений Яценюк ва Бош Прокурор Шокинни истеъфога кетишга чақирди.

Уларнинг истеъфога чиқиш аризасини ҳам кутмаган бир гуруҳ депутатлар Бош вазирга ишончсизлик қарори лойиҳасини Олий Радага киритдилар. Чунки, бугун Олий Рада ҳукуматнинг ишини қониқарсиз деб ҳисблайдиган қарор чиқарган эди.

Парламентнинг 450 аъзосидан фақат 236 киши қатнашган мажлисида бу қарор учун 194 депутат овоз берди, 2 киши қарши бўлган, 12 киши бетараф қолган. Мажлисда бўлган 28 депутат овоз беришда қатнашмаган. Яъни, ишончсизлик қарори олинмаган. Қарор олинса, Бош вазир ва Бош ппрокурор истеъфога жўнатиларди.

УНИАН Агентлигининг яқинда тарқатилган хабарида нимага мажлисда бунча кам депутат қатнашгани, Бош вазир ва Бош Прокурор Президент Порошенконинг чақириғига қандай жавоб беришларини ҳам кутмасдан бу масала Олий Радага олиб чиқилганига ҳеч қандай изоҳ берилмайди. Ҳукуматнинг ишини қониқарсиз деб ҳисоблаган Олий Рада нимага Бош вазирни истеъфога жўнатиш қарори чиқармагани ҳам таҳлил қилинмайди.

Бу изoҳсиз қолган саволлар Украина сиёсий кризис йўлидан кетаётганини кўрсатмайдими? Украина шундоқ ҳам Россия билан конфликт туфайли боши дардда экан, ҳозир ҳокимиятда сиёсий кризис чиқиши яхшиликка бўлмайди.
« Олдинги хабар Хабарлар рўйхати Кейинги хабар »