08 February 2016
22:25 - Озорбайжон мухолифати кризисдан чиқиш Йўл Харитасини муҳокама қилди, ўзбек мухолифати нима қилади?
Озорбайжонда мухолифатга яқинлиги билан билинган contact.az Интернет нашри хабар қилишича, “Мусават” Партиясининг бош қароргоҳида “Кризисдан Имкониятларга ўтиш Йўл Харитаси” номли ҳужжат муҳокама қилинди. Бу ҳужжатни “Мусават” Партиясининнг собиқ раиси, ҳозир Стратегик Фикрлар Маркази номли ташкилотнинг раиси вазифасини бажараётган Иса Қамбар тақдим қилди.

Маълумки, Ғарбнинг Россияга киритган санкицияларидан кейин нефтнинг нархи дунё бозорида кескин тушиб кетиши туфайли, нефт сотишдан келган пул иқтсодида катта роль ўйнайдиган Озорбайжонда чуқур иқтисодий инқироз бошланган. “Кризисдан Имкониятларга ўтиш Йўл Харитаси” шу кризисдан чиқиш йўлларини таклиф қилмоқда.

Бу ҳужжатда 8 стратегик йўналишда иш олиб бориб, Озорбайжонни ижтимоий-иқтисодий ва сиёсий кризисдан олиб чиқиш таклиф қилинади.

Бу йўналишлар ичида ишсизликни камайтириш, коррупцияга қарши курашни кучайтириш, эркин иқтисодни ривожлантириш каби соҳалар бор. Табиий, сиёсий йўналишлар ҳам бу ҳужжатга киритилган. Масалан, ҳамма сиёсий маҳбусларни озод қилиш, евроатлантик ҳамжамиятга интеграция бўлиш, Конституцияни янгилаш, 2016 йилда муддатидан аввал парламент сайловлари ўтказиш.

Бокуда бунда йиғилиш ўтказилиши, шубҳасиз, ижобий воқеа, дейди мухбиримиз. Аммо, минг афсуски, у ерда 9-чи йўналиш йўқ. Бу йўналиш – тарқоқ мухолифатни бирлаштириш бўлиши керак эди. Айниқса, шу 9-чи йўналиш ўзбек демократик мухолифати учун ҳам муҳимдир.
« Олдинги хабар Хабарлар рўйхати Кейинги хабар »