31 January 2016
19:28 - Женевада бўладиган Сурия бўйича музокаралар ҳали ҳам бошланмади, аммо ёмон хабарлар кўп
Аввалги хабарларимиздан маълумки, 29 январь куни Женевада Сурия масаласи бўйича АҚШ, Россия ва яна бир қатор Европа мамлакатларининг ҳамда Сурия ҳукумати ва унга мухолиф бўлган кучларнинг вакиллари иштирокида музокаралар бошланиши керак эди. Аммо, бошлангани йўқ. Музокараларда Сурия мухолифати делегациясининг қатнашиш-қатнашмаслиги ҳали ҳам аниқ эмас. Табиий, гап қуролли, аммо фанатик-исломий бўлмаган суннийлар мухолифати ҳақида кетмоқда. Ўзини Музокралар бўйича Олий Комитет деб айтаётган ва Саудия Арабистони тарафидан қўллаб-қувватланаётган гуруҳ Женевега келиб бўлди ва аввалдан ўзининг шартларини айтмоқда. 29 январда БМТнинг Сурия бўйича махсус вакили Стаффан де Мистура Сурия ҳукуматининг делегацияси билан учрашган эди, эртага Музокралар бўйича Олий Комитет билан учрашади. Шундан кейин, балки, ҳамма тарафларнинг иштирокидаги музокаралар бошланса керак.

Айни замонда, Суриядаги аҳволни яна ҳам чигаллаштирадиган нохуш воқеалар давом этмоқда. Биринчи воқеа Туркия-Россия муносабатлари билан боғлиқ. Маълумки, бу икки давлат Женевадаги музокараларда калит ролини ўйнайдиган давлатлардир. Уларнинг алоқалари шундай ҳам ёмон эди. Кеча Туркия русларнинг ҳарбий учоғи ўз ҳудудларига кирганини эълон қилиб, Россиядан изоҳлар талаб қилишдан ташқари Путин-Эрдўғон учрашуви кераклигини гапирмоқда. Табиий, Россия ўз учоғи Туркияга осмонига кирганини тан олмаганидан ташқари, ўзнинг турклар тарафидан аввалроқ уриб туширилган учоғи масласини кўтариш билан овора. Бу икки давлатнинг жанжали Женевадиги музокаралар пайтида ҳам қайтадан оловланиши мумкин.

Иккинчи воқеа - даҳшатли. Сурия пойтахти Дамасқ яқинидаги шиалар яшайдиган жойда ИШИД тарафидан 3 та портлаш уюштирилди, охирги хабарларга кўра, 45 киши ҳалок бўлган, 110 киши ярадор бўлган. Бу терактлар ИШИДнинг Женевадаги музокараларга сигнали бўлса керак.
« Олдинги хабар Хабарлар рўйхати Кейинги хабар »