Кеча Нью-Йорк фондлар биржасида бўлаётган жараёнларни таҳлил қилувчи хабаримизда биржадаги барқарорсизлик АҚШда иқтисод ёмонлашаётганинг эмас, мавжуд ҳукумат, очиқроқ айтсак, Президент Обаманинг ўта заиф ички ва ташқи сиёсат олиб бориши туфайли уларга нисбатан шаклланаётган ишончсизликнинг белгисидир, деган хулоса қилган эдик. Бунинг исботи сифатида АҚШда Марказий Банк ролини ўйновчи Федерал Резерв 28 январь куни асосий фоиз ставкасини ҳозирча бошқа оширмаслик ҳақида қарор қабул қилиши билан сал кам 300 поғанага ўпирилиб тушган ўпирилиб тушган Dow Jones индекси кеча куннинг биринчи ярмидаёқ ўша ўпирилишни қоплаб сал кам 300 поғанага юксалганини кўрсатган эдик. Ҳозир маълум бўлишича, кеча биржа бекилгунча Dow Jones индекси яна 100 поғанага кўтарилиб, бир кунлик умумий юксалиш 397 поғана бўлибди. Энди Dow Jones 16341 га тенг.

АҚШ иқтисодида 1-2 кун ичида Нью-Йорк фондлар биржасини бунчалик рағбатлантирадиган ижобий жараёнлар бўлгани йўқ. Шундай экан, биржадаги ўсиш “Ҳаракат”нинг таҳлиллари тўғри эканлигини намойиш қилмоқда ва таъбир жоиз бўлса, биржа “Ҳаракат”га ҳурматини кўрсатмоқда.

Машҳур Reuters агентлигининг мухбирлари Нью-Йорк фондлар биржасидаги ўсишни Япония Банки фоиз ставкасини камайтиргани ва Microsoft ширкати ўз акциялари аҳволига бағишланган мажлис ўтказгани билан боғлашлари кулгидан бошқа нарсага арзимайди.