28 January 2016
01:05 - Америкалик тадқиқотчиларга кўра, Ал-Қоида ИШИДддан хавфлироқ эмиш, у бечоралар Абдураҳим Пўлатга қулоқ солишса эди, Ислом терроризмининг ҳақиқий хавфини тезроқ тушунишган бўларди

Инглизларнинг The Independent газетаси икки АҚШлик ташкилот – Урушни Ўрганиш Институти (Institute for the Study of War) ва Америка Тадбиркорлик Институти (American Enterprise Institute) биргаликда ўтказган тадқиқотлар бўйича ҳисобат эълон қилганини билдирди. Ҳисобатга кўра, Ал-Қоидагининг Суриядаги бўлими Жабҳат ал-Нусра салафий-жиҳидчилар ичидаги энг ғоявий кучлиси бўлиб, Халифалик деб эълон қилиб бўлинган Ироқ-Шом Ислом Давлатидан, яъни ИШИДдан ҳам АҚШ ва Европа учун хавфлироқ эмиш.

Газетадаги мақолада Жабҳат ал-Нусра нимаси билан ИШИДдан хавфлироқ эканлигини исботловчи фактлар қўрсатилмайди. Аммо, америкаликларнинг ҳисоботи муаллифларидан бири Фред Каган (Fred Kagan) айтган гаплар келтирилади: “ИШИД ёрқинроқ, кўзга кўринганроқ, аммо уларнинг иккаласи ҳам Ғарбни уриш учун мусулмонларни мобилизация қилиш учун ҳаракат қилиб ётибдилар. Ал-Насра Сурия мухолифати билан чатишишга ҳам ҳаракат қилмоқда ва ИШИД йўқ қилингач, дунё жиҳодининг байроғини ўз қўлига олиш ниятида”.

Аммо, кўриниб турибдики, дейди мухбиримиз, бу америкалик тадқиқиотчилар ҳам, америкалик сиёсатчилар ва журналистлар каби, майда нарсалар билан овора бўлиб юришибди. Чунки, “Бирлик” Партияси лидери Абдураҳим Пўлат АҚШ Президентига ёзган хатида урғулагандек, Ислом терроризмининг илдизлари Ислом дини тарафидан Қуръонни хато ўқиш асосида келиб чиққан ва ҳозир расман тан олинган хато тушунчалардадир. Мана бу тушунчаларнинг баъзи бирлари – давлатлар исломий бўлиши ва Халифаликка бирлашиши керак, мусулмонлар Шариат қонунлари бўйича яшашлари керак, Ислом дини ниҳоий дин ва секин аста бўлса ҳам бутун одамзод ислом динини қабул қилиши керак.

ИШИД ва Ал-Қоида каби ташкилотлар айнан шу йўналишда ҳаракат қилмоқдалар. Улар йўқ қилинса, ўрнига янгилари чиқаверади. Улар ҳеч қачон жаҳон бўйича ғалаба қозонолмайдилар, аммо доим қонли воқеалар яратиш билан машғул бўладилар. Бу – фақат Ғарб учун хавф эмас, биринчи навбатда Ислом Дунёси учун хавфдир. Демократик жараёнларнинг ривожланиши ва дин эркинлиги киритилиши натижасида ҳам ислом терроризми кучайиб бораверади ва бу кетишда Ислом Дунёси ҳозирги қолоқлик ва қашшоқликдан чиқолмайди. Қолаверса, ҳозирги Ислом ва демократия бирга яшолмайди.

Бу боши берк кўчадан чиқишнинг ягона йўли, Абдураҳим Пўлат айтаётгандек, Ислом динида фундаментал ислоҳотлар ўтказиш ва Ислом дини дунёвийлик прнципини тан олишига эришиш. Ислоҳотлар фақат бундан иборат эмас. Кейинги қадамда Исломнинг ягона фарзи имон эканлиги, 5 маҳал номоз, рўза, ҳаж ва закот - қилинса савоб, қилинмаса гуноҳ бўлмаган амалиётлар эканлиги ҳам тан олинади. Ислом фанатизми ва унинг натижаси бўлган ислом терроризмидан қутилишнинг бошқа йўли йўқ.

Расмда - Жабҳат ал-Нусра жангарилари Суриянинг Алеппо шаҳрида навбатдаги жангга кетишмоқда