26 January 2016
19:13 - 12news.uz сайти ёпилибди, хўш, ёпилди нимаю ёпилмаса нима бўларди?
Мамлакатда саноқли бўлган хабарчи сайтлар орасида ўз ўрнига эга бўлган 12news.uz интернет нашри ёпилибди. Нашр таъсисчиси бўлган “Media-Balans” ширкати эса сайтнинг ёпилишини техник носозлик демоқда. Айни пайттда уларнинг сайт қайта очилмаслиги ҳақидаги гаплари биринчи гапининг ёлғонлигини кўрсатиб турибди.

Аммо сайтнинг ёпилишига сабаб унда ҳукуматга ёқмаган бир мақола кетиб қолгани ҳақидаги гаплар жамоатчилик ўртасида ёйилиб улгурди. “Озодлик” радиосига кўра, Ўзбекистон президентининг собиқ матбуот котиби, МХХ зобити Дилшод Нуруллаев раҳбарлиги остида тўрт йил фаолият юритган сайт давлатнинг юқори лавозимдаги раҳбарлари тасдиғидан ўтган, миллий хавфсизлик идоралари сиздирган хабарларни бериб келган.

Маълумки, бу сайт сўнги йилларда асосан рус тилида хабар тарқатарди, ўзбекча саҳифаси номигагина бор эди. “Ҳаракат Агентлиги 12news.uz интернет нашрини тожикларники деб баҳолагани ҳам кўпчиликка маълум.

Бу ва бундай нашрларни бор-йўқлигининг ўзбек миллати ва Ўзбекистон давлати учун ҳеч қандай аҳамияти бўлмаган, чунки, улар миллат ва Ватан муаммолари билан мутлақо қизиқмасдан, бир тийинга қиммат хабарлар тарқатиш ва Ислом Карим раҳбарлигида Ўзбекистонда ҳукмронлик қилаетган тожиклар режимига хизмат қилиш билан шуғулланишган.