16 January 2016
18:26 - Нью-Йорк фондлар биржасидаги ботиш давом этмоқда, асл сабаб маълум эмас

Ўтган йилнинг сўнги кунларидан бери Нью-Йорк фонлар биржасининг асосий кўрсатгичи бўлган DowJones тўхтовсиз ўпирилиб бораётгани, ўтган ҳафтанинг сўнги иш куни битганда умумий тушиш 1 мингдан ортиб, бу тарихий рекорд эканлигини билдирган эдик. Тушиш жорийдаги ҳафтада ҳам давом этди. Фақат кеча, яъни жорийдаги ҳафтанинг сўнги иш куни DowJones салкам 400 поғана тушиб кетди. Энди у 15988 га тенг. Ваҳолангки, бу ўпирилишлар бошланмасдан аввал бу кўрсатгич 18 мингдан бироз пастда бўларди. Демак, сўнги 1,5 ой ичида DowJones 2 мингга тушиб кетди.

Нью-Йорк биржасининг экспертлари бундай ўпирилишнинг сабаби - нефть нархининг тушиши ва Хитой иқтсоди ҳамда унинг таъсири сотида жаҳон иқтисодининг яқин келажакда аҳволи яхши бўлмаслигини асос қилиб кўрсатмоқдалар. Лекин, нефть нархи тахминан 1,5 йилдан бери, яъни Ғарб Россияга қарши санкциялар киритгандан бери тўхтовсиз тушиб бормоқда, DowJones эса охирги 1-1,5 ичидагиа тушишга бошлади.

Ундай бўлса, асосий сабаб - Хитой иқтисодининг аҳволи ёмонлигими? Бу саволга ҳам жавоб йўқ. Энг, қизиғи, экспертлар Нью-Йорк биржасидаги тушишларга ортиқча эътибор ҳам бермаяптилар. Сабаб – АҚШ иқтисодида янги инқироз бўлиши кутилмаётганидами?

Аввалги хабарларимиздан маълумки, “Ҳаракат” агентлиги DowJones индекси 2008 йилда АҚШда бошланган молиявий-иқтисодий кризисдан аввал 13-14 минг ичида ўйнаб туришини, ўша пайтларда DowJones индекси нари борса бир неча юзга чиқиб- тушиб турганини эслатиб, сўнгги йиллардаги долларнинг девальвацияси туфайли, чиқиб- тушиш диапазони мингларга етиб борган бўлиши мумкинлигини тахмин қилганди. Бу тахмин қанчалик тўғри эканлигини кўрсатоладиган аниқ далиллар йўқ. Қолаверса, сабаб - Россия ва Ғарб ўртасида авжига чиқаётган совуқ урушда Барак Обаманинг пассивлиги ва ҳозирча феълан Россиянинг қўли баладн келаётгани эмасмикан.Бу ва юқорида қўйилган бошқа саволларга жавоб йўқ. Демак, ҳозирча воқеаларни кузатиб боришдан бошқа йўл йўқ.