13 January 2016
18:07 - Доналд Трамп Барак Обаманинг Конгрессга мурожаатини зерикарли дебди, аслида, масхарабозлик дейиш керак эди
АҚШ президентлигига Республикачилар Партиясидан номзод бўлиш учун курашаётган Доналд Трамп жорийдаги Президент Барак Обаманинг кеча Конгрессда қилган йиллик халққа мурожаатини зерикарли деб баҳолагани ҳақида АҚШ ахборот воситалари хабар тарқатмоқдалар.

Эслатиб ўтиш керакки, кеча Барак Обама Конгресс олдида ҳар йили қилинадиган халққа мурожаатини эълон қилди. Бу Обаманинг сўнги марта қилган йиллик мурожаатдир, чунки, унинг 2-чи муддат президентлиги битмоқда, бу йил 8 ноябрда АҚШда янги президент сайланади.

АҚШ Президентининг халққа мурожаати, бутун дунё давлат раҳбарлари ҳам қиладигандек, ўтган йилги ишлари учун ҳисобот бериш ва келажак режаларини билдиришдир.

Обама ўз мурожаатида АҚШнинг дунёдаги энг кучли иқтисодга эга бўлган давлат эканлигини урғулаб, АҚШ бир вақтлар фазога сунъий йўлдошлар учириш соҳасида СССРдан орқада қолган бўлса ҳам, аммо тезда яна олдинга чиқиб олганини гапириши, табиий, масхарабозликдан бошқа нарса эмасди.

Аммо, асосий масхарабозлик бошқа нарсада. Шундай кучли давлатнинг раҳбари ИШИДга қарши курашга катта эътибор берганлигида. У, бир тарафдан, бу масалага ортиқча урғу бериш ИШИДни рағбатлантирувчи нарса эканлигини урғулайди, аммо, иккинчи тарафдан, АҚШ раҳбарлигида ИШИДга қарши курашаётган 60 давлатнининг коалицияси тузилганини гапиради ва ИШИДни таг-туги билан йўқ қилишга ваъда беради. Куласизми, йиғлайсизми?

Қандайдир бир террористик гуруҳга қарши дунёнинг энг қудратли давлати бўлган АҚШ бошчилигида 60 давлат (!!!!!!!) иштирокида коалиция тузилиб, бу коалиция 1 йилдан бери ИШИДни йўқ қилолмаётгани масхарабозлик бўлмаса, масхарабозлик нима ўзи?

Шундай экан, Доналд Трамп сиёсий маданият эгаси эканлигини кўрсатиб, Барак Обаманинг мурожаатини масхарабозлик эмас, бор-йўғи зерикарли деб баҳоланига қойил қолиш керак. Унинг ўрнида “Бирлик” Партияси раиси Абдураҳим Пўлат бўлса эди, шок терапияси усуллари билан бундан ҳам қўполроқ сўзлар ишлатган ва Обамани сиёсий майдрндан йўқ қилган бўларди.

Ҳеч шубҳа йўқки, Доналд Трамп ва Абдураҳим Пўлатнинг фикрлари америкаликларга етиб боради ва америкаликлар ўз сиёсатчиларини бу фикрлар билан ҳисоблашишга мажбур қилишади. Акс ҳолда, АҚШ ўлади. АҚШнинг ўлими эса, нафақат демократиянинг, балки дунёнинг ўлимидир. Бунга йўл қўйиб бўлмайди.
« Олдинги хабар Хабарлар рўйхати Кейинги хабар »