Кеча Нью-Йорк фондлар биржасида бу йилнинг биринчи иш куни эди. Биржа очилиши билан бир неча дақиқа ичда унинг асосий кўрсатгичи бўлмиш Dow Jones индекси 430 поғонага тушиб кетди ва 16957 га тенг бўлди. Бундай тушиш ўн йилларддан бери биринчи марта бўлиши экан. Бундай муҳим воқеага ҳамма изоҳ беришини кутиш табиий ҳол эди. Масалан, Россиянинг экспертлари бундай тушишни Яқин Шарқдаги воқеалар билан боғлашга ҳаракат қилдилар. Америкалик экспертлар эса, Хитой иқтисоди ўтган йилнинг декабрь ойида кескин оқсоқлангани, демак, дунё иқтисодининг келажаги мавҳум бўлаётгани билан изоҳлашга ҳаракат қилдилар.

Тўғри, кеча маҳаллий вақт билан соат 14:00 да Нью-Йорк фондлар биржаси бекилар экан, Dow Jones индекси ўзини бир оз тиклаб олган ва 17149 га тенг бўлган эди, демак, кунлик тушиш 276 поғона, яъни 1,68 фоиз бўлди.

Нима бўлганда ҳам, дейди “Ҳаракат” мухбири, АҚШдек давлатнинг аҳволи нефт туфайлигина иштон кийишни ўрганган Яқин Шарқдаги араб мамлакатларидаги воқеаларга ёки 1,4 миллардлик аҳолисининг ярмиси қашшоқликда бўлган Хитой иқтисодининг сустланишига боғланиб қолган бўлса, АҚШ раҳбарлари бундай боғликликдан қутилиш йўлларини ўйлашлари керак.