04 January 2016
18:37 - Ислом Каримнинг янги йил табриги эфирда берилган пайтда, уни ўқиган диктор ўлиб бўлган экан
3 январдаги хабаримизда “Ахборот” информацион программасининг диктори, байром концертлари ва ҳукуматнинг тадбирларидан эшиттиришлар олиб бориши билан танилган, демак, мавжуд режимнинг оддийгина маддоҳи ва иккинчи нонимизни заҳарлаш билан машғул бўлган Абдумўмин Ўтбосаров 56 ёшида оламдан ўтганини билдирар экан, у одам бу йил ўлди деб тушунгандик. Энди, маълум бўлишича, воқеа бошқача бўлган.

Мамлакатнинг 15 та телеканали орқали янги йил оқшомида эфирга узатилган Президент Ислом Каримнинг байрам қутлови 30 декабрь куниёқ Абдумўмин Ўтбосаровга ўқитилиб, ёзиб олинган экан, 31 декабрда эса у диктор юрак хуружи туфайли оламдан ўтибди. Яъни, ёзиб олинган видео эфирга чиққан пайтда диктор бу дунёда бўлмаган.

Радиодагилар унинг ўлганини билмасликлари мумкин эмасди. Давлат Президентининг байрам табригини ўлиб бўлган одам тарафидан ўқиб берилганини эфирга узатиш ўта пасткашликдан бошқа нарса эмас. Қолаверса, бундай байрам табриклари давлат раҳбарининг ўзи тарафидан ўқилиши керак.

Бўлган воқеа ёмон туйғулар уйғотади, бу Ўзбекистон учун ёмонлик белгиси эмасми, ёки тескарисимикан?
« Олдинги хабар Хабарлар рўйхати Кейинги хабар »