Уч йил аввал Миср Исроилнинг Ғазода ХАМАС террористларига қарши олиб борган ҳарбий операциялардан ғазабга келиб, бу мамлакатдан ўз элчисини чақириб олган ва бу мамлакат билан дипломатик алоқаларини феълан узган эди. Аммо, кеча уч йиллик танафусдан кейин, Исроилга Мисрнинг янги элчиси Ҳазем Ҳасрат келди, дейилади Associated Press агентлигининг хабарида. Хўш, Миср Ғазода бирон янгиликга эришдими, йўқ, у ерда ҳеч нарса ўзгаргани йўқ. ХАМАС ва унинг кетидан Миср орқага чекинди, холос. 2015 йилнинг сентябрь ойида Исроил ҳам Қоҳирага ўз элчисини 3 йиллик танафусдан кейин қайта юборган эди.

Кеча Саудия Арабистони Эрон билан дипломатик алоқаларини узганини эълон қилиб, Теҳрондаги элчихона ходимларини эваукация қилишга бошлади. Маълумки, Саудияда шиа уламоси террорчиликга алоқаси борлиги туфайли қатл этилгандан кейин, Эронда аввал Саудиянинг консулхонаси, кейин элчихонасига номаълум гуруҳлар тарафидан ҳужумлар уюштирилган эди.

Қизиқ, Саудия Эронга элчиларинии неча йилдан кейин қайтараркин? Эртага қайтарса ҳам бўлаверади, чунки, шиа- суннийларнинг қарама-қаршилиги йиллардан кейин ҳам ўзгармайди. Ҳамма нарса Ислом дини дунёвийлик/секуляризм принципини қабул қилганидан кейин ўзгаришга бошлайди.

Дарвоқе, Саудия Арабистони Яманда ҳукумронлик қилаётган шиаларнинг хусийлар оқими билан тинчлик ҳақидаги келишувни ҳам бекор деб эълон қилди. Демак, у ерда яна қонли жанглар бошланади.