21 December 2015
22:45 - Европа Иттифоқи Россияга қарши киритилган санкциялар муддатини яна 6 ойга чўзди
ЕИ Россия қарши киритилган санкциялар 2016 йилнинг 31 июлигача давом этишини расмий баёнотида эълон қилди. Баёнотда айтилишича, Россия Украинада кризисни ҳал қилиш бўйича қабул қилинган Минск шартномаси талабларини тўла бажармагани сабабли санкциялар давом эттирилади.

Бундай қарор олиниши аввалдан маълум эди. Масалан, ўтган жума куни ЕИ давлатларининг Брюсселдаги доимий вакиллари йиғилишида шундай қилишга келишилганди. Бугунгача ҳамма давлатлар бу келишувни тасдиқловчи ҳужжатлар юборишган ва қарор кучга кирган.
« Олдинги хабар Хабарлар рўйхати Кейинги хабар »