10 December 2015
20:34 - Шоир Абдулла Ориф “Италия юлдузи” ордени билан тақдирланди, аммо Ислом Каримнинг собиқ ялтоғи бундай майда нарсаларга хурсанд ҳам бўлмаслиги аниқ

Кеча, 9 декабрда Ўзбекистон Қаҳрамони, Ўзбекистон Халқ шоири Абдулла Орифга Италия Республикасининг мамлакатимиздаги элчиси "Италия юлдузи" орденини топширди. Мазкур орден ўтган ой ўрталарида Италия президенти Сержо Маттарелланинг таклифи билан шоиримизга мамлакатлараро дўстлик ва ҳамжиҳатликка қўшган ҳиссаси учун берилган. Маълумотга кўра, ушбу орден Италия ҳамда хориж фуқароларига Италия ва бошқа мамлакатлар ўртасидаги дўстона алоқаларни ривожлантирган шахсларга топширилади.

Шоир Абдулла Ориф италян адабиётининг ёрқин арбобларидан бири Алигерье Дантенинг “Илоҳий комедия”сини ўзбекчалаштирган, шунингдек, бир қанча адабий асарларни ўзбек ўқувчиларига етказган. Аммо, у ўзига Италия ордени берилганигахурсанд бўлганини айтиш қийин бўларди. Ахир у "Ислом ака, бизим учун денгиз ўзингиз" деб мадҳиянома ёзган ва ўша денгиз кийгизган тўн билан юрадиган одам, бунинг олдида Италия ордени нима бўлибди-ки.