04 November 2015
21:42 - Дунёнинг энг қудратли шахслари рўйхатининг бошида Путин, Мeркел ва Обама, 67-чи ўринда ўзимизнинг Алишер Усмонов

Кўпроқ дунё бойларининг рўйхатини эълон қилиш билан танилган Forbes журнали ҳар йили дунёнинг энг қудратли шахслари рўйхатини ҳам эълон қилиб боради. Бугун 2015 йилнинг шундай рўйхати бу журналнинг Интернетдаги сайтига қўйилди.

Биринчи ўрин Россия Президенти Владимир Путинга, иккинчи ва учинчи ўринларда Германия канцлери Ангела Меркел ва АҚШ Президенти Барак Обамага тегибди. Бу уч лидернинг шу тартибда жойлашиши ҳеч кимда эътироз туғдирмаса керак. Путин уч йилдан биринчи ўринда, Обама эса ўтган йили 2-чи ўринда, Мкркел 5-чи ўринда эди.

Биринчи ўнликда яна қуйидаги таниқли одамлар бор: Рим Папаси Франциз, Хитой раҳбари Си Цзинпин, дунёнинг биринчи бойи Бил Гейтс, АҚШ Федерал Резервининг президенти Жанет Йеллен, Буюбритания Бош вазири Дэвид Кэмерон, Ҳиндистон Бош вазири Нарендра Моди ва Интернетдаги энг кучли қидирув системасининг асосчиси ва эгаларидан бири Ларри Пейж.

73 кишилик рўйхатга Россиядан яна 3 киши кирган. Булар: Игорь Сечин 47-чи ўринда, Алексей Миллер 54-чи ўринда ва асли ўзбек Алишер Усмонов 67-чи ўринда.

Журналдги рўйхатга Алишер Усмоновнинг шу расми қўйилган.