03 November 2015
16:41 - Нурсултон Назарбой Лондонда, Ислом Карим Тошкентдаги инида

Қозоғистон ахборот воситалари мамлакат Президенти Нурсултон Назарбой бугун расмий ташриф билан Буюкбритания ва Шимолий Ирландия Бирлашган Қироллигига келганини билдирдилар. Табиий у Қиролликнинг пойтахти Лондонга келди.

Нурсултон Назарбой Қиролича Елизавета II, Буюкбритания Бош вазири Дэвид Кэмерон ва бу ердаги буюк компанияларнинг раҳбарлари билан учрашади.

Қозоғтистон Президенти жуда кўп чет эл сафарларида бўлаётгани ҳеч кимга сир эмас, дейди мухбиримиз. У ҳамма ерда катта бизнесс эгалари билан учрашиб, ўз мамлакатининг иқтисодий келажагини белгилайдиган шартномалар тузишга эришишдан ташқари, жаҳонга қозоқлар ва Қозоғистон давлатини танитмоқда.

Ўзбекистон Президенти эса, асосан МДҲ, ШҲТ каби ташкилотларнинг саммитлари доирасида халқаро учрашувлар ўтказишдан бошқа нарса қилмайди. У мамлакат ичида ҳам ҳеч нарса қилаётгани йўқ. Мамлакат иқтисоди чўкиб бормоқда, Ислом Каримнинг бу билан ҳам иши йўқ. У Оқсарой ва Кўксарой номли қароргоҳларидан чиқмасдан кунларини ўтказади. У нима қилаётганини Ўзбекистон аҳолиси билмайди ҳам.