31 October 2015
02:15 - Бу ҳафтани Нью-Йорк фондлар биржаси зиг-загли барқарорлик билан кечирди
Аввалги хабаримиздан маълумки, ўтган ҳафта Нью-Йорк фондлар биржасида жиддий жонланиш бўлди, ундан олдин 1 ойча фақат тушишда бўлган ва 16 минггача етиб борган Dow Jones индекси ўта тезлик билан юксалишга бошлаб, ўша ҳафтанинг сўнги иш куни, яъни 23 октябрда 17 минг 646 га чиқди.

У ҳафта билан солиштирадиган бўлсак, бу ҳафта биржада барқарорлик бўлганиниа йтиш керак. Табиий, зиг-загли барқарорлик бўлди. Кеча, жума куни, яъни ҳафтанинг охирги куни биржа бекилганда Dow Jones 17664 га тенг эди. Демак, бир ҳафта ичида у зиг-загли ўзгаришлардан кейин 20 поғанага кўтарилди.

Энди ҳеч қандай шубҳа йўқки, келаётган ҳафталарда рекордлар уришга бошлайди. Чунки, АҚШ иқтисоди 2008 йилнинг ёз ойларида бошланган кризисдан чиқиб бўлди.

Биз учун муҳим бўлгани, ўзбеклар ҳам бу дунёнинг реалликларини, Dow Jones каби индексларнинг ўзгаришларни тушунишга бошлашлари кераклигидир. Бунинг учун, авваломбор АҚШда ишлаётган ўзбеклар ҳам, бошқа мамлакатларда яшаётган ўзбеклар ҳам, фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар чет элларда ҳам ош ейиш ва Ўзбекистонга пул юборишдан ташқари, ишлаётган мамлакатларида пул йиғиб, кичкина бўлса ҳам ўз бизнесларини очиш устида ўйласалар, фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, бутун дунёни мардикорлар билан тўлатиб юраверамиз.
« Олдинги хабар Хабарлар рўйхати Кейинги хабар »