Аввалги хабарларимиздан маълумки, АҚШнинг иқтисодий аҳволининг кўрсатгичи ҳам деса бўладиган Нью-Йорк фондлар биржасининг 18 минг атрофида зиг-загли ўйнаб турадиган Dow Jones индекси сўнги икки ой ичида 16 минггача тушиб кетди. Бу – АҚШдаги энг катта 30 компаниянинг акциялари нархи 10 фоиздан кўпроққа тушиб кетиши демакдир. АҚШда янги кризис бошланмаяптими деган хавотирликлар ҳам пайдо бўлди.

Экспертлар бу тушишнинг сабаби сифатида аввалига жаҳон иқтисодининг яқин келажакда барқарор бўлолмаслиги ҳақидаги тахминларни, кейин эса АҚШда Марказий Банк ролини ўйнайдиган Федерал Резерв қарзга бериладиган пул учун олинадиган фойданинг фоизини сал кам нолда ушлаб тургани билан изоҳлашга ҳаракат қилдилар. Чунки, бу фоизнинг пастлиги мамлакат иқтисодининг аҳволи ёмонлигидир.

Айнан ўша пайтда “Ҳаракат” бошқача таҳлил берди. Унга кўра, АҚШ иқтисоди 2008 йили бошланган аввал молиявий, кейин иқтисодий кризисдан чиқиб бўлди, демак фоизларни ошириш керак, аммо Федерал Резерв ўзича эҳтиёткорлик қилиб, уни оширмапти. Бундан ҳам қизиғи, шу ойнинг бошида Федерал Резерв айнан эҳтиётлик қилиб, фоизларни оширмаётганини, фоизлар йил охиригача оширилишини эълон қилди.

Бундай янгиликдан кейин Нью-Йорк фондлар биржаси жонланишга, Dow Jones индекси ўта тезлик билан юксалишга бошлади. Натижада, сўнги ойларда 18 мингдан 16 мингга тушиб қетган Dow Jones индекси кеча, яъни жорийдаги ҳафтанинг сўнги иш куни 17 минг 646 га чиқди.

Бемалол айтиш мумкинки, Нью-Йорк фондлар биржасининг экспертлари ҳам бўлаётган жараёнларни тушуниш ва таҳлил қилишни “Ҳаракат”дан ўрганишлари керак.