13 October 2015
20:10 - Мамлакатлар бренди рейтинги бўйича АҚШ 1-чи, Россия 18-чи, Қозоғистон 44-чи ўринда, Ўзбекистон қаерда?
“Бренд” деганда мутлақо кўпчилик биронта маҳсулот ёки ширкатнинг имиджи, қўполроқ қилиб айтсак, обрўсини ўзида акс эттирувчи номни тушунади. Бу мутлақо тўғри. Аммо, ҳозир “бренд” сўзи кенгроқ маънода тушуниладиган иборага айланди. Иш шунгача етиб бордики, мамлакатларнинг “бренди” ўлчанишга бошланди.

Англиядаги Brand Finance ташкилоти жаҳондаги 100 мамлакатнинг брендларини ўзича ҳисоблабди. Биринчи ўрин, табиий, АҚШга берилган. Унинг бренди $19,7 трлн деб баҳоланибди.

АҚШ билан билан биргаликда биринчи бешликка қуйидагилар киритилган:

Хитой - $6,31 трлн
Германия - $4,17 трлн
Буюкбритания - $3,01 трлн
Япония - $2,54 трлн

Ўзбекларни қизиқтириш мумкин бўлган баъзи мамлакатларнинг бренди қуйидагича:

18-чи ўрин: Россия - $810 млрд
44-чи ўрин: Қозоғистон - $175 млрд

Ўзбекистон нечанчи ўринда дейсизми? Мамлакатимиз бу рўйхатга олинган ҳам эмас. Руслар ва қозоқларга мардикорчилик етиштириш билан шуғулланаётган Ўзбекистоннинг брендини Brand Finance каби ташилот ўлчашга қодир эмас. Брендимиз долларда эмас, “мардикорлар мамлакати” ибораси билан ўлчанади.
« Олдинги хабар Хабарлар рўйхати Кейинги хабар »