02 October 2015
14:43 - “Ўзбеккўмир” ширкатининг масхарабозлиги: “Ўзбеклар 3440 йилгача кўмирдан қайғурмаса ҳам бўлади”
Мамлакатда мавжуд кўмир захираси 1 минг 425 йилга етади, деди соҳа прогнозларини жамоатчиликка эълон қилган “Ўзбеккўмир” ширкати директорининг маҳсулот сотиш ва етказиб бериш бўйича ўринбосари Носиржон Умаров. Унга кўра, Ўзбекистонда аниқланган кўмир захиралари 1 900 миллион тонна, жумладан, қўнғир ранг кўмир захираси 1 853 миллион тонна, тошкўмир 47 миллион тоннани ташкил этади. Кўмирнинг олдиндан аниқланган захираси 5.7 миллиард тоннадан иборат. Агар йилига 4 миллион тонна қазиб олинишини инобатга олинса, кўмир захираси 1 425 йилдан кўпроққа етиши мумкин.

Лекин чакана бозорда кўмир йўқ, мавсумга келиб, кўмир нархи бир неча баравқарга ошиб кетади. Мулозимнинг гаплари қанчалик ҳақиқатга яқин билмадиг-у, кўмир муаммоси мамлакатда етарли.

Бундан ташқари, бу кетишда одамзод яна 1 минг 425 йил яшайдими ёки йўқ саволини қўйиб туриб, яқин орада кўмир каби ёқилғилар умуман ишлатилмаслигини тушуниш лозим. Демак, ҳозир кўмирни ташқарига сотиб, олинган фойдани ўзбекнинг бугунги аҳволини тузатишга ишлатиш керак.