Толибон Афғонистон шимолидаги Қундуз шаҳрини қўлга олганини кеча биз ҳам хабар қилган эди. Reutеrs агннтлиги бугун Толибон жангарилари Қундуз аэропортининг 80 фоиз қисмини ҳам босиб олганини билдирди. Шаҳарнинг босиб олиниши Толибоннинг 14 йиллик уруш давомидаги энг катта ғалабаси деб баҳоланмоқда экан.

Кўриниб турибдики, АҚШ раҳбарлигидаги коалиция Толибонга қарши урушдан чиқиб, ҳамма нарсани Қобулдаги ҳукуматга топширгандан кейин ишлар чатоқ бўлмоқда. Бир ойча аввал Абдурашид Дўстим мамлакат шимолидаги ўзбеклар кўп яшайдиган минтақалардан Толибон жангариларни қувлаб чиқаргани Афғонистондаги урушда катта бурилиш сифатида кўрилган эди. Энди аҳвол бошқача эканлиги кўринмоқда. Ишлар шу йўналишда кетаверса, АҚШ қўшинлари қайтадан урушга киришга мажбур бўлишлари муқаррар.