17 September 2015
20:33 - Ўзбекистонда бензин васвасаси: “Ўзнефтмаҳсулот” одамларни тинчлантиришга уринмоқда
Мамлакатимизнинг вилоят, туман ва чекка ҳудудлари аллақачон бензин дефицитига кўниккан, бу ерларда бензиннинг муқобил нархлари аллақачондан бери амал қилади. Аммо энди пойтахт Тошкент ҳам ана шу араённи бошдан кечирмоқда. Қарийб бир ойдан бери ьензин тақчиллиги ва автомобилларга ёқилғи қуйиш шахобчалари олдида турнақатор навбатлар юзага келган. Истиқлол тантаналаридан аввал чиқиш қилган “Ўзнефтмаҳсулот” ширкати одамларни ваҳима қилмасликка, бензин билан боғлиқ аъҳвол жойига тушишига ваъда қилганди.

Аммо вазият ўнгланмади, миш-мишлар кундан кунга болаламоқда. Бугун яна баёнот эълон қилган “Ўзбекнефтмаҳсулот” одамларни яна тинчлантирди, кишилар эса бунга ишонаётгани йўқ. Улар бензоколонкаларда қачон навбат барҳам топса, ўшанда ишонишади. Айрим нашрлар эса Ўзбекистоннинг бензин масаласида Эрон билан музокаралар олиб бораётгани ҳақида ёзмоқда.