Фуҳуша лақаби билан танилган Ўзбекистон Президенти Ислом Каримнинг қизи Гулнорага $300 млн пора бериб, Россия миллиардери Владимир Евтушенковга тегишли МТС ширкатининг Ўзбекистондаги шўъбаси бўлмиш “Ўздунробита”ни ўзига ўтказиб олган Швеция-Финландия қўшма корхонаси TeliaSonera нафақат Ўзбекистондан, балки, бутун МДҲдан кетиш қарори олибди. Маълумки, TeliaSonera Ўзбекистон ва МДҲга кирувчи яна бир қатор мамлакатларда Ucell ва бошқа брендлар остида иш олиб борар эди.

TeliaSonera ширкатининг расмий сайтида айтилишича, МДҲдан кетишнинг сабаби – ширкат Швециянинг ўзи ва Европада фаолият олиб боришга асосий эътиборни қаратиш нияти эмиш. Аммо, тахмин қилиш қийин эмаски, асосий сабаб – хусусий эмас, расман Швеция ва Финландия давлатлариники бўлган TeliaSonera Фуҳушага пора бергани очилиб қолгандан кейин бошланган шармандали воқеалардир. Айнан шу воқеалар доирасида Фуҳуша уй қамоғига ташланди, Ислом Карим ҳам яна бир марта шарманда бўлди. Айнан Ислом Карим ўзини хўжайини Владимир Путин олдида оқлаш учун Швеция ва Финландияни шундай қилишга мажбур қилган бўлиши ҳам мумкин.

Қолаверса, “Ҳаракат” Агентлиги ҳам бу шармандали воқеаларни унутиш ниятида эмаслигини очиқча кўрсатиб келмоқда. Шундай экан, дунёда коррупция ва порахўрлик энг кам ҳисобланадиган икки давлатнинг обрўси хавф остида қогани шубҳасиз. Бу икки давлат Ўзбекистондан қочиш ҳаракатига тушганлари эса, ғоят табиийдир.