29 August 2015
20:31 - Самарқандда “Шарқ тароналари” ўнинчи халқаро мусиқа фестивали очилди, Ислом Карим одатдагидек вайсади
Бу фестиваль Ўзбекистонни дунёга танитгани ҳақида ҳеч қандай маълумот йўқ. Ҳозир дунё Марказий Осиё деганда Қозоғистон ва унинг пойтахти Остонани тушунадиган бўлиб қолганини ҳам ҳамма билиб бўлди. Шу сабабли Самарқанддаги каби фестиваллар ўтказилмасин демоқчимасмиз. Бу фестиваль баҳонаси билан ҳам Ўзбекистон буюк ўзгаришларга муҳтожлигини урғуламоқчимиз, холос.

Кеча фестивалнинг очилишида нутқ сўзлаган Ўзбекистон Президенти Ислом Карим биронта пичоққа илинадиган гап гапирмади, бундан ҳам муҳими, "ўзбек халқи” ёки “ўзбек миллати” деган сўзларни ишлатгани ҳам йўқ. Ислом Карим Самарқанднинг сал кам 3 минг йиллик тарихи борлигини урғулаган, Америка Қўшма Штатларида чоп этиладиган нуфузли нашрлардан бири яқинда Самарқанд шаҳрини “Дунёнинг албатта бориб кўриш керак бўлган элликта шаҳри” рўйхатига киритганини тилга олган. Табиий, Самарқандда чет элликлар ҳам кўришни орзу қилган тарихий ёдгорликлар кўп, аммо мустақиллик йилларида бу шаҳарда биронта кўзга кўринадиган нарса яратилмадику!?

30 миллион аҳолиси бўлган Ўзбекистондек давлатнинг катталиги бўйича иккинчи шаҳри Самарқандда 500 минг одам яшайди, холос. Ваҳоланки, аҳолиси биздан икки марта кам бўлган Қозоғистоннинг Чимкент шаҳрида аҳоли кун сайин ўсиб бормоқда ва ҳозир шаҳар аҳолисининг сони 600 мингдан кўпроқ. Кечагина овул бўлган Қарағанданинг аҳолиси Самарқандга етиб қолмоқда. Яъни, Ўзбекистонда мустақилликдан кейин урбанизация жараёнлари ҳам тўхтаб бўлди.

Расмда кўриниб турганидек, зўрға илжайиб турган Ислом Каримнинг аҳволи ҳам яхши эмас. Оқ сарой ва Кўк сарой номли инларидан чиқмасдан бир амаллаб ҳаёт кечираётган шу одам туфайли Ўзбекистон ўз иқтисодининг кучи билан Қозоғистодан 8 марта, Туркманистондан 6 марта орқада. Ўзбек профессорлари қозоқ дворникларидан кам маош олиб ишлашади.

Шундай экан, “Шарқ тароналари” кимга керак Ислом Карим жаноблари?
« Олдинги хабар Хабарлар рўйхати Кейинги хабар »