Ўтган ҳафтанинг охирги иш куни, яни 21 августда Нью-Йорк фондлар биржасининг асосий кўрсатгичи Dоw Jones индекси 530 поғанага, ҳафта бўйича эса 1 мингдан ҳам кўпроққа тушиб кетганини, тўғрироғи, Dоw Jones ўпирилиб тушганини, бунинг сабаби сифатида Хитой иқтисодидаги салбий ҳодисaлар, жумладан, Хитой юанининг девалвация қилиниши кўрсатилаётганини ёзган эдик.

Билмаганларга билдириш керакки, фондлар биржаси, қўполроқ қилиб айтсак, қимматли қоғозлар, биринчи навбатда, турли ширкатларнинг акциялари олиб-сотиладиган бозордир. Дунёда 18 та фондлар биржаси бор, уларнинг биринчиси Нью-Йорк биржаси ҳисобланади. Нью-Йорк фондлар биржасининг асосий кўрсатгичи Dоw Jones индекси АҚШдаги энг катта 30 ширкат акцияларининг ўртача қийматини ўзида акс эттиради. Бу индексниннг юқорилиги, акциялар нархининг баландлигини, демак, маълум маънода, мамлакат иқтисоднинг юксаклигини кўрсатади.

Хўш, энди АҚШдек давлатнинг иқтисоди Хитойга боғлиқ бўлиб қолдими?

Бу саволга жавоб беришдан олдин бугунги воқеаларни кўрайлик. Бугун, вақт фарқи туфайли, ҳали Нью-Йорк фондлар биржаси очилмасиданоқ Гонкгонг фондлар биржасининг асосий кўрсатгичи 6 фоизга тушиб кетгани маълум бўлди. Бу хабардан кейин, Нью-Йорк фондлар биржаси очилиши биланоқ Dоw Jones индекси 1 минг 100 поғанага тушиб кетди. Кейин Dоw Jones ўзини тиклай бошлади ва куннинг охиригача 1,1 минглик тушишнинг ярмисини қоплади. Биржа ёпилганда Dоw Jones 15871 га тенг эди.

Демак, юқорида қўйилган савол очиқлигича қолмоқда: АҚШдек давлатнинг иқтисоди Хитойга боғлиқ бўлиб қолдими?