21 August 2015
19:20 - Давлат бошқаруви академияси ректори Абдужаббор Абдувоҳидов ишдан олинди, ўрнига Маннон Алиев тайинланди
Кеча, 20 августда Ўзбекистон Республикаси Президенти ҳузуридаги Давлат бошқаруви академияси ректори Абдужаббор Абдувоҳидов лавозимидан четлатилди. Унинг бошқа ишга ўтказилгани айтилмоқда. Президент Ислом Каримнинг фармонига кўра, Давлат бошқаруви академиясига Маннон Алиев янги ректор бўлди.

Таниқли олим ва иқтисодчи, МДҲ банк институтлари уюшмаси президенти ўринбосари Маннон Алиев шу пайтга қадар Вазирлар Маҳкамаси қошидаги Олий бизнес мактабига раҳбарлик қилиб келаётганди.

Қизиқ, шундай лавозимларда ишлаб келган олим ва сиёсатчи Ўзбекистон ўз иқтисодининг киши бошига кучи бўйича ривожланган мамлакатлардан 20-30 баравар орқада эканлигини қўйиб туринг, қўшни Қозоғистон ва Туркманистондан 8ва 6 баравар орқада эканлигини, ўзбек профессорлари қозоқ дворникларидан кам маош олишини билармикан?