20 August 2015
06:10 - Озорбайжондаги асосий мухолифат партияси яна бўлинди

Озорбайжон Халқ Фронти Партияси тузилар-тузулмас, ундан Иса Қамбар бошчилигида ажралиб чиққан бир гуруҳ “Мусават” Партияси тузган эди. Озорбайжон Халқ Фронти Партиясининг тузилган пайтидан раиси бўлган Абулфайз Элчибей оламдан ўтгандан кейин, ундан яна бир гуруҳ ажралиб чиқиб, бир партияча қурди. 2 йилча аввал, “Мусават”нинг раиси Иса Қамбар тўсатдан истеъфога кетгач, бу партиядан ҳам кичик бир гуруҳ ажралиб чиқиб, ўз партиячасини қуриб олди.

Ҳозир Озорбайжон Халқ Фронти Партиясида навбатдаги бўлиниш бўлмоқда. Пария раиси Али Кeримлининг (расмда) ташаббуси билан партия раисининг ўринбосари Рази Нуриллаев мавжуд ҳукумат билан ҳамкорлик қилишда айбланиб, бир неча кун аввал партиядан ўчирилган эди.

Кеча Рази Нуриллаев матбуот конференцияси ўтказиб, партиядан чиқмаслигини, ўз тарафдорлари билан партияни қўлга олиш ниятида эканлигини эълон қилди. Яъни, Озорбайжон Халқ Фронти Партияси номи остида феълан янги партия қуриш ниятини очиқлади. Хуллас, навбатдаги бўлиниш.

Ўзбекистонда ҳам бир пайтлар шундай воқеа бўлганлигини эслатишдан фойда бор. Кейинчалик 53-54 лақабини олган сотқин ҳаромий Салай Мадамин ҳам 1989 йилнинг октябрь ойида айнан шу шаклда, яъни Ислом Каримнинг ёрдамида, “Бирлик”ни қўлга олмоқчи бўлиб, ололмагандан кейин “Эрк” партияси тузган эди. Озорбайжонда ҳам шундай бўлади. Ҳукумат тарафидан қўллаб-қувватланадиган Рази Нуриллаев охир-оқибатда янги партия қуриш билан чекланса керак.

Бундай бўлинишлар демократларнинг ўзига ҳеч қандай фойда келтирмасдан, ҳукуматга фойдали эканлиги кўп марта исботланган бўлса ҳам, озобайжонлар бўлинишдан чарчамайдилар. Ўзбеклар ҳам шунақа.

Демак, “Бирлик” лидери Абдураҳим Пўлатнинг ички уруш очиб бўлса ҳам, миллат ва ватан тақдири билан иши бўлмаган сохта ҳаромий мухолифатчиларни сиёсий саҳнадан йўқ қилиш, миллат ва ватан муаммолари билан шуғулланадиган ягона кучли демократик партия яратиш кераклиги ҳақидаги фикрлари тўппа-тўғри эканлиги яна бир марта исботланиб турибди.