27 July 2015
17:32 - Хитой ҳам кризисга кирмоқда, иқтисодда пасайиш, фондлар бозорида чўкиш бор, яна Россия ва Ўзбекистонга ёмон бўлади
Reuters агентлиги Хитой фондлар биржасининг кўрсатгичи Shanghai Composite бир кунда 8,5% га ўпирилиб тушгани, бундай тушиш охирги 8 йиллик рекорд эканлигини хабар қилди. Бунинг сабаби сифатида Хитойнинг иқтисодида тушиш бўлаётгани, иқтисод сектори фаолиятининг кўрсатгичи - Бизнес Фаоллиги Индекси ҳам ўпирилиб тушгани билан изоҳланмоқда. Хитойда бизнес фаоллигининг тушиши Лондон ва Нью-Йоркдаги нефть биржаларида нефтнинг нархи тушишига ҳам сабаб бўлмоқда. Лондондаги биржада сотиладиган Brent маркали нефтнинг нархи (бир баррелга) $54 га тушган бўлса, Нью-Йоркда сотиладиган WTI маркали нефтнинг нархи $47,82 га тушибди.

Хитойдек буюк, аммо ўрта ривожланган давлатнинг иқтисоди кризисга кириши “Ҳаракат” аввалдан айтиб келаётган башоратлар амалга ошаётганини кўрсатмоқда. Табиий, Хитойдек давлатдаги кризис бутун дунёга таъсир қилади. Аммо, масалан, Ғарбда Хитойга ўхшаган ўпирилиш бўлмайди. Нью-Йорк биржасининг кўрсатгичи бўлган Dow Jones индекси сўнги кунларда бир фоизга тушган кунлари ҳам бўлди, бугун биржа очилиши билан яна ярим фоизга тушиши кутилмоқда. Аммо, 2008 йилда кризис бошлангандаки каби ўпирилиб тушишлар бўлмайди.

Нефть нархининг тушиб бориши эса, ҳамма нефть сотувчи давлатлар учун ёмон, Ғарбнинг санкицялари остида ҳам қолган Россия учун жуда ёмон бўлади. Россияда ишлаётган мардикорларнинг пули билан оёқда турган Ўзбекистоннинг аҳволи “вой” бўлишини гапириб ўтириш ҳам ортиқча.
« Олдинги хабар Хабарлар рўйхати Кейинги хабар »