23 July 2015
02:23 - Франция фермерлари ҳукуматни ўзларига ёрдам беришга мажбур қилдилар, ўзбеклар нима қилади?
Франция Қишлоқ хўжалаги вазирлигининг сайтида эълон қилинган 2 саҳифалик қисқа, аммо, муҳим қарорга кўра, вазирлик ўз фермерларнинг талабига қулоқ солиб, уларга €600 млн ёрдам пули ажратган. Фермерлар ер солиғидан озод қилинадилар, улар учун фойдадан тўладиган солиқни тўлаш муддати чўчилади.

Бундан ташқари, давлат қишлоқ хўжалигини ривожлантири ва қўллаб-қувватлаш бўйича чора-тадбирлар кўришга бошлайди, аграр сектор учун давлат субсидиялари ажратилади.

Франция ҳукумати фермерларнинг турли норозилик чиқишлари қаршисида шундай қадам қилишга мажбур бўлган.

Ўзбекистонда фермерларнинг аҳволи қанчалик ночор эканлиги ҳаммага маълум. Ўзбекистон деҳқонларининг ишлашдан бошқа ҳамма ҳуқуқлари чекланган, Ислом Карим ҳукумати ҳақ-ҳуқуқсиз деҳқонларни эксплуатация қилиш эвазига яшамоқда. Деҳқонлар ўзлари етиштирган қишлоқ хўжалик маҳсулотларини эркин бозорда, бозор нархида сотишга ҳам ҳақлари йўқ. Ўзбекистонда расмий мухолифат йўқлиги сабабли, фермерларнинг ҳақ-ҳуқуқларини ҳимоя қилоладиган куч йўқ.

Бу кетишда, ахир бир кун деҳқонлар исён қиладилар. Ўшанда ҳозирги ҳукумат одамлари қочгани жой тополмай қоладилар. Бунинг олдини олиш лозим.