Бугун “Озодлик” радиосига интервью берган Ўзбекистон Қаҳрамони, халқ шоири Абдулла Ориф ўзбек миллатининг бугунги ҳолидан ўкинишини, ўсишдан тўхтаган, маънавияти қашшоқлашган бугунги авлоддан хафалигини айтибди. Радионинг веб саҳифасидаги текстга кўра, Тошкентда яшаб, пенсионерлик гаштини сураётган 75 яшар ижодкор шогирдлари ва мухлислари томонидан унутилган бир ўтмишга айланаётганидан шикоят қилибди.

- 15 йил шуларга раислик қилдим. Кўчада юрган болаларни олиб келиб, народний (халқ ëзувчиси) қилдим. Депутат қилдим, одам қилдим. Бу - маломат эмас. Мен вазифани топширганимдан кейин соғлигимни сўраб телефон қилишмайди булар, келиш у ëқда турсин. Мен буларга раҳмат, дейишим керакми?! Мен пушаймон бўламан. Олдин булар бошига кўтаришар эди. Ҳозир эса унутилдим. Меҳр-муҳаббат, оқибат деган гаплар ғойиб бўлгани, ҳақиқат. Мен буни ҳазм қила олмайман. Атрофда руҳан гадо одамлар, руҳан майиб одамлар. Ожиз одамлар. Қалбан қул одамлар. Пишмаган қовунлар булар. Тафаккур қилмайди улар. Булар мол–мулк изидан, бойлик изидан, амалдор изидан кетади. Навоий ëки Махтумқулини изидан кетмайди. “Пулинг қанча?” деб сўрайди. Энди муҳит шунақа, Машрабни осган элдан мен қадр тилармидим” дейди Абдулла Ориф.

Ҳозирги режимга енгини шимариб хизмат қилган, ўзбекнинг бугунги аҳволга тушишида катта роль ўйнаган бу ҳаромий режим аравасидан отилиб, гадога айлангандпн кейин яна миллатни эслаб қолибди-да. Авваламбор у қилган ишлари учун миллатдан кечирим сўраши керак, аммо ҳозирги режимнинг хизматкори бўлган, америкаликларни алдаш учун майда-чуйда масаларда Ислом Карим режимини танқид қилиш билан шуғулланадиган “Озодлик” радиосида эмас, “Ҳаракат” Агентлиги сайтига чиқиб кечирим сўраши керак. Халқ учун хизмат қилаётганлар “Озодлик” радиосидан юз ўгиришганини ҳам билмайдими бу миллат хоини? Навоий ëки Махтумқули ҳеч қачон миллатга хоинлик қилмаганини билармикан? Бир вақтлар ўзини қандай депутат қилиб қўйишгани эсидан чиқдимикан?

Биз ҳамма адашганлар ҳақиқат йўлига қайтишини истаймиз, аммо авваламбор тиз чўкиб миллатдан кечирим сўрашлари керак. Бошқа йўл йўқ, бўлиши ҳам мумкин эмас.