Туркия туркларининг ўйғурларга босим ўтказаётган Хитойга қарши намойишкарона ҳаракатлари кенгроқ доираларга чиқмоқда. Туркиядаги энг катта Миллиёт газетасининг хабарига кўра, Хитойдан қочган 200 нафар уйғур Туркия келиш йўлида Таиланнда ушланибди. Таиланд ҳукумати уларни Хитойга топшириш ниятида экан.

Бундан норози бўлган турклар кеча Таиланднинг Истанбулдаги фахрий консуллигига ҳужум қилиб, офис ичигача киришибди ва ичкаридаги бутун техник асбобларни парчалаб ташлашибди.

Бугун эса, Таиланднинг Анқарадаги элчихонаси олдида норозилик намойиши ўтказилди. Намоиш пайтида шу ердан ўтаётган бир хитойлик аёлни сочларидан тортиб судрабдилар. Полиция у аёлни зўрға намойишчилар қўлидан қутқариб қолибди.

Бир томонда, туркларнинг қилаётган ишлари зўравонликка ўхшаб кўринади, аммо Хитой уйғурларга озодлик бермоқчи эмаслигини қандай баҳолаш керак?