Финландия ҳукумати бугун Хельсинкида иш бошлаши керак бўлган Европада Хавфсизлик ва Ҳамкорлик Ташкилотининг Парламентар Ассамблеяси мажлисида қатнашиш учун келишни режалаштираётган Россия парламентининг қуйи палатаси - Давлат Думасининг спикери Сергей Наришкинга (расмда) Финландияга киришни тақиқлади. Чунки, бу шахс Европа Иттифоқининг Россияга қарши киритган санкцияларига кўра, ЕИга киролмайди.

Бунга жавобан Россия делегацияси Хельсинкига келишдан воз кечди. Парламентар Ассамблеянинг раиси, финляндиялик Илкка Канерва Сергей Наришкинга хат ёзиб, Россия делегацияси Наришкинсиз Хельсинкига келавериши кераклигини айтди, аммо Россия тарафи ўз қарорини ўзгартирмоқчи эмас.

Аслида, дейди мухбиримиз, “Бирлик” Партияси лидери Абдураҳим Пўлат қирғизларнинг КирТАГ агентлигига берган интервьюсида айтганидек, ЕХҲТ аллақачон ўлик ташкилотга айланган. Ростдан ҳам шундай, чунки, бу ташкилот қирғиз фашистлари ўзбекларни қирғин қилишини тўхтатолмади, ҳозир ўзига аъзо бўлган Россия ва Украина ўртасидаги урушининг олдини ололмади. Ўзи ичидаги Ўзбекистон ва Туркманистон каби дунёнинг энг ёмон диктаторликларига таъсир кўрсатолмаяпти. Шундай экан, бундай ташкилотнинг борлигидан нима фойда бор, унинг Парламентар Ассамблеяси нима қилолади?

ЕХҲТ Ўзбекистон ва Туркманистонга қарши бир нарса қилиб кўрсин, шундоқ ҳам яккамохов бўлган бу икки мамлакат дарҳол ташкилотни тарк этади. Шундай экан, диктаторликларни ҳеч бўлмаса шундай жанжаллар воситасида тарбиялашни давом эттириш, феълан ўлик ташкилотни ҳеч бўлмаса шундай жанжаллар учун ҳаётда ушлаб туриш керак.