31 May 2015
22:34 - Нью-Йорк фондлар биржаси зиг-загли чиқиб-тушишлар ичида барқарор
Икки ҳафта аввалги хабаримизда, Нью-Йорк фондлар биржасининг асосий кўрсатгичи бўлган Dow Jones индекси ўша ҳафтани 18273 билан, яъни тарихий рекорд 18289 га яқин ҳолда тамолаганини билдирган эдик. Ўтган 2 ҳафта ичида Dow Jones индекси яхшигина зиг-загли ҳаёт кечирди, бир кунда 150-200 атрофидаги тушишлар ва юксалишлар бўлди. Экспертлар ҳар бир тушиш ва чиқишга жиддий сабаблар кўрсатдилар.

Аммо, “Ҳаракат”нинг фикрича, кўп параметрли катта системалардаги ҳар бир ўзгаришга сабаб қидиравериш ножиддийликдир. Бундай системаларда барқарорилик пайтида ҳам катта бўлмаган зиг-загли ўзгаришлар бўлиб туради. Уларни кузатиш керак, аммо хавотирликга тушишга эҳтиёж йўқ. Табиий, катта ўзгаришлар бўлса, уларни анализ қилиш, ўзгаришларнинг сабабаларини қидириш керак ва муҳимдир.

Хуллас, ўтган жума куни Нью-Йорк фондлар биржаси бекилганда Dow Jones индекси 18010 га тенг эди. Демак, Нью-Йорк фондлар биржаси зиг-загли чиқиб-тушишлар ичида барқарор эканлигини гапириш мумкин.

Ҳозир эса, аввалари ҳам айтган бир фикримизни яна қайтариш фойдали эканлигини урғуламоқчимиз.

АҚШда ишлаётган ўзбеклар ҳам, бошқа мамлакатларда яшаётган ўзбеклар ҳам, фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар чет элларда ҳам ош ейиш ва Ўзбекистонга пул юборишдан ташқари, ишлаётган мамлакатларида пул йиғиб, кичкина бўлса ҳам ўз бизнесларини очиш устида ўйласалар, фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, бутун дунёни мардикорлар билан тўлатиб юраверамиз.

Расмда - Нью-Йорк фондлар биржаси ҳам жойлашган машҳур Wall St (Уолл-стрит).
« Олдинги хабар Хабарлар рўйхати Кейинги хабар »