27 May 2015
12:43 - Forbes: Германия канцлери Ангела Маркел жаҳоннинг энг таъсири кучли аёли
Турли рейтинглар ўлчаш билан шуғулланадиган Forbes (Форбес) журналига кўра, Германия канцлери (Бош вазири) Ангела Маркел яна жаҳонниннг таъсир кучи бўйича биринчи аёли деб тан олинибди. Бу журнал таъсир кучи бўйича, одатдагидек, жаҳоннинг 100 аёли рўйхатини эълон қилди. Биринчи ўринда 5 йилдан бери Германия канцлери Ангела Маркел ўтирибди.

Иккинчи ўринда Ҳиллари Клинтон, кейинги ўринларда Мелинда Гейтс (жаҳонинг энг катта бойи Билл Гейтснинг хотини), АҚШда Марказий Банк ролини ўйновчи Федерал Резервнинг раҳбари Жанет Йеллен, General Motors компаниясининг Бош директори Мэри Барра. Биринчи ўнталикда АҚШ Президентининг хотини Мишел Обама ҳам бор.

Аммо, очиқ айтиш керакки, Ғарб коалициясининг Россияга қарши туришида асосий роль ўйнаётган Ангела Маркел фаришта эмас. У Путин билан турли ўйинлар қилиб, кўпинча унинг тарафдори бўлиб қолмоқда. Масалан, унинг 10 май куни Путиннинг олдига бош эгиб келганлигини эсланг. Маркел принипиалроқ бўлса, яна ҳам кучлироқ бўларди.

Ким билсин, аввалги Германия канцлерларидан бири бўлган Шредер ҳозир Путиннинг малайига айлангани ва пул қилиш билан шуғулланаётгани каби, Маркел ҳам келажакда шундай бўлиш учун замин тайёрлаётгандир.
« Олдинги хабар Хабарлар рўйхати Кейинги хабар »